بُلا لیجے گا عاصی کو بھی در پر یا رسول اللہ
سنور جائے گا اِس کا بھی مُقدّر یا رسول اللہ
Bula lije ga aasi ko bhi dar par ya rasulallah
Sanwar jaye ga is ka bhi muqaddar ya rasulallah
شہا ! چشمِ کرم کیجے ، ذرا جھولی کو بھر دیجے
سوالی بن کے آیا ہے ، یہ کم تر یا رسول اللہ
Shaha! chashm-e-karam kije, zara jholi ko bhar dije
Sawali ban ke aaya hai, ye kamtar ya rasulallah
یہی تو ہے مرے آقا ! اثاثہ زندگانی کا
جو حرفِ نعت لایا ہوں میں لکھ کر یا رسول اللہ
Yahi to hai mere aaqa! asasa zindagani ka
Jo harf-e-naat laya hun mein likh kar ya rasulallah
تری اُمّت پریشاں ہے ، غموں نے مار ڈالا ہے
کہ در پَے ہیں زمانے کے ستمگر یا رسول اللہ
Teri ummat pareshaan hai, ghamon ne maar daala hai
Ke dar pa hai zamane ke sitamgar ya rasulallah
گِھرا ہوں بحرِ عصیاں کی تلاطم خیز موجوں میں
کرم ہوگا تو نکلوں گا میں بچ کر یا رسول اللہ
Gira hun bahr-e-asiyaan ki talatam khaiz maujon mein
Karam hoga to niklung ga mein bach kar ya rasulallah
یہ میرا ہے یہ میرا ہے اسے چھوڑو اسے چھوڑو
چُھڑا لینا سرِ محشر یہ کہہ کر یا رسول اللہ
Ye mera hai ye mera hai ise chhoro ise chhoro
Chhura lena sar-e-mahshar ye kah kar ya rasulallah
نوائے بے کَساں آقا ! فقط تُو ہی تو سُنتا ہے
کھڑے ہیں بس ترا دامن پکڑ کر یا رسول اللہ
Nawa-e-bey kassan aaqa! faqat tu hi to sunta hai
Khade hain bas tera daaman pakar kar ya rasulallah
سبھی گُم کردہ راہوں کو ، تُو منزل آشنا کر دے
مرا ملجا و ماوٰی تُو ہے رہبر یا رسول اللہ
Sabhi gum karda rahon ko, tu manzil aashna kar de
Mera malja o ma'wa tu hai rahbar ya rasulallah
گُنہ گاروں کو در تیرا ، خُدا نے ہی دِکھایا ہے
ذرا چشمِ کرم کیجے گا اِن پر یا رسول اللہ
Gunah garon ko dar tera, khuda ne hi dikhaya hai
Zara chashm-e-karam kije ga in par ya rasulallah
فقط تیری توجہ سے ، ترے دُشمن کے ہاتھوں میں
پڑھیں کلمہ فصاحت سے وہ کنکر یا رسول اللہ
Fakat teri tawajjo se, tere dushman ke hathon mein
Parhain kalma fasahat se wo kankar ya rasulallah
قسیم اپنے خزانوں کا تُجھے ربّ نے بنایا ہے
کہاں ہوگا بھلا تُجھ سا تونگر یا رسول اللہ
Qaseem apne khazanon ka tujhe rab ne banaya hai
Kahan hoga bhala tujh sa to nargir ya rasulallah
وہ اقصیٰ میں کھڑے مُرسَل ، شبِ اسرٰی یہ کہتے تھے
پڑھا دیجے نمازِ عشق آ کر یا رسول اللہ
Wo aqsa mein khade mursal, shab-e-isra ye kehte the
Padha dije namaz-e-ishq aa kar ya rasulallah
ترا جلوہ لحد میں جو نظر کے سامنے ہوگا
لبوں پر پھر جواب آئیں گے فرفر یا رسول اللہ
Tera jalwa lahad mein jo nazar ke samne hoga
Labon par phir jawab aayenge farfar ya rasulallah
اگر قسمت میں جانا ہے ، مدینے کو جلیل اپنی
وہیں دُکھڑا سُناؤں گا میں جا کر یا رسول اللہ
Agar qismat mein jaana hai, madine ko jaleel apni
Wahan dukhda sunaoon ga mein ja kar ya rasulallah
Share This Naat
Share with friends and family
بُلا لیجے گا عاصی کو بھی در پر یا رسول اللہ
حافظ عبدالجلیل