کون ہے وہ جو لکھے رُتبۂ اَعلی اُن کا
وَصف جب خود ہی کرے چاہنے والا اُن کا
Kon hai wo jo likhe rutba-e aala un ka
Wasf jab khud hi kare chahne wala un ka
کیوں دل اَفروز نہ ہو جلوئہ زیبا اُن کا
دونوں عالم میں چمکتا ہے تجلّٰی اُن کا
Kyun dil afroz na ho julo-a zeba un ka
Dono aalam mein chamakta hai tajal-a un ka
نعمتوں کا ہے خزانہ درِ والا اُن کا
دونوں عالم میں بٹا کرتا ہے باڑا اُن کا
Naimaton ka hai khazana dar-e wala un ka
Dono aalam mein bata karta hai bara un ka
ایک عالم ہی نہیں والہ و شیدا اُن کا
ہے ُخداوندِ جہاں چاہنے والا اُن کا
Aik aalam hi nahin walha o sheda un ka
Hai khudawand-e jahan chahne wala un ka
تشنگی دِل کی بجھا دیتا ہے ِچھینٹا اُن کا
خوانِ اَفضال پہ مہماں ہے زمانہ اُن کا
Tashnagi dil ki bujha deta hai chheenta un ka
Khaun-e afzal pe mehman hai zamana un ka
سربسر نورِ خدا ہے قد بالا اُن کا
نور بھر دیتا ہے آنکھوں میں اُجالا اُن کا
Sarbisar noor-e khuda hai qad bala un ka
Noor bhar deta hai ankhon mein ujala un ka
مَلک و جن و بشر پڑھتے ہیں کلمہ اُن کا
جانور سنگ و شجر کرتے ہیں چرچا اُن کا
Malaik o jin o bashar parhte hain kalma un ka
Janwar sang o shajar karte hain charcha un ka
کونسی شے ہے وہ جس پر نہیں قبضہ اُن کا
کعبہ و اَرض و سما عرشِ مُعلّٰے اُن کا
Kaun si shai hai wo jis par nahin qabza un ka
Kaba o arz o sama arsh-e mualla un ka
زندگی پاتا ہے کونین میں ُمردہ اُن کا
دَم بھرا کرتے ہیں ہر وقت َمسیحا اُن کا
Zindagi pata hai kaunain mein murda un ka
Dum bhara karte hain har waqt masih un ka
حشر میں پل سے اُتارے گا سہارا اُن کا
بیڑیاں کٹنے کو کافی ہے اِشارہ اُن کا
Hashr mein pul se utare ga sahara un ka
Beriya kutne ko kafi hai ishaara un ka
مجھ سا عاصی نہ سہی کوئی مگر اے زاہد
جن سا شافع نہیں ہے مجھ کو وسیلہ اُن کا
Mujh sa aasi na sahi koi magar aye zahid
Jinn sa shafi nahin hai mujh ko waseela un ka
ذِکر سے ٹیک لگی دل کو خدا یاد آیا
فکر سے ہوگیا آنکھوں کو نظارا اُن کا
Zikr se taik lagi dil ko khuda yaad aaya
Fikr se ho gaya ankhou ko nazara un ka
بھیک لینے کو چلے آتے ہیں لاکھوں منگتا
جس نے جو مانگا دیا کام ہے دینا اُن کا
Bheek lene ko chale aate hain laakhon mangta
Jis ne jo manga diya kaam hai dena un ka
چاند سورج شبِ اَسریٰ میں مقابل ہی نہ تھے
منہ چھپالیتے اگر دیکھتے تلوا اُن کا
Chand sooraj shab-e asra mein muqabil hi na the
Munh chhupa lete agar dekhte talwa un ka
بوسے لیتا کبھی آنکھوں کو منور کرتا
ہاتھ آتا جو کہیں نقش کفِ پا اُن کا
Bose lete kabhi ankhou ko munawar karta
Hath aata jo kahin naqsh kaf-e pa un ka
آنکھ اٹھا کر نہ کبھی دیکھے وہ جنت کی طرف
اِک نظر دیکھ لیا جس نے مدینہ اُن کا
Ankh utha kar na kabhi dekhe wo janat ki taraf
Ik nazar dekh liya jis ne madina un ka
جان و دل کرتیں فدا نقش قدم پر اُن کے
دیکھ لیتیں جو کبھی حسن زُلیخا اُن کا
Jaan o dil kartin fida naqsh qadam par un ke
Dekh letin jo kabhi husne Zuleikha un ka
حشر والے یہ کہیں دیکھ کے محشر میں مجھے
وہ چلا آتا ہے اِک بندۂ شیدا اُن کا
Hashr wale ye kahin dekh ke mahshar mein mujhe
Wo chala aata hai ik banda-e sheda un ka
دی منادی نے ندا حشر میں اے مشتاقو
دیکھ لو آج کہ بے پردہ ہے جلوہ اُن کا
De manadi ne nida hashr mein aye mushtaqo
Dekh lo aaj ke be parda hai julo wo un ka
سب مہینوں میں مبارک ہے رَبیع الاوَّل
جمعہ سے فضل میں برتر ہے دوشنبہ اُن کا
Sab maheenon mein mubarak hai Rabi-ul-Awwal
Jumma se fazl mein barter hai doshnba un ka
میں رضا کا ہوں رضا اُن کے تو میں اُن کا ہوں
یوں ہی رکھے مجھے اللہ تعالیٰ اُن کا
Mein Raza ka hoon raza un ke to mein un ka hoon
Youn hi rakhe mujhe Allah taala un ka
تجھ کو کیا فکر ہے بخشش کی جمیلؔ رضوی
ہاتھ میں ہے تیرے دامانِ مُعلّٰے اُن کا
Tujh ko kya fikr hai bakhshish ki Jameel Razvi
Hath mein hai tere daman-e mualla un ka
Share This Naat
Share with friends and family
کون ہے وہ جو لکھے رُتبۂ اَعلی اُن کا
جمیل الرحمن قادری