جانِ رحمت مرا واسطہ آپ سے
جو بھی کہنا ہُوا کہہ لِیا آپ سے
Jaan-e-Rehmat mera waasta aap se
Jo bhi kehna hua keh liya aap se
میری تہذیبِ فکر و نظر آپ ہیں
سوچنا آپ سے دیکھنا آپ سے
Meri tehzeeb-e-fikr o nazar aap hain
Sochna aap se dekhna aap se
میرے ظاہر میں باطن میں عکس آپ کا
چشم و دل آئنہ آئنہ آپ سے
Mere zaahir mein baatin mein aks aap ka
Chashm o dil aaina aaina aap se
جسم و جاں آپ کی ضَو سے معمُور ہیں
مُجھ میں جشنِ چراغاں ہُوا آپ سے
Jism o jaan aap ki zauw se maamoor hain
Mujh mein jashn-e-chiraaghaan hua aap se
ایک دریا سے نکلی ہیں سب ندّیاں
انبیا آپ سے اولیا آپ سے
Ek darya se nikli hain sab nadiyaan
Ambiya aap se auliya aap se
آپ سے بند لفظوں کے معنی کھُلے
گُل ہے گُل اور ہَوا ہے ہَوا آپ سے
Aap se band lafzon ke maani khule
Gul hai gul aur hawa hai hawa aap se
آپ کی رفعتوں کا یہ احسان ہے
پست انسان کا قد بڑھا آپ سے
Aap ki rifaton ka ye ehsaan hai
Past insaan ka qad barha aap se
مسندِ گُل پہ تشریف فرما ہُوئے
خار و خس کو یہ رتبہ مِلا آپ سے
Masnad-e-gul pe tashreef farma hue
Khaar o khas ko ye rutba mila aap se
لب پہ لرزاں ہو یا دل میں ترساں رہے؟
عرض گُستر ہے حرفِ ثنا آپ سے
Lab pe larzaan ho ya dil mein tarsaan rahe?
Arz gustar hai harf-e-sana aap se
Share This Naat
Share with friends and family
جانِ رحمت مرا واسطہ آپ سے
عاصی کرنالی