طرزِ سرکارؐ کو بس جانِ انقلاب لکھو
اُنکی ہر بات کو تم روشنی کا باب لکھو
Tarz-e-Sarkarؐ ko bas jan-e-inqilab likho
Unki har baat ko tum roshni ka bab likho
پڑھنے والوں کیلئے مشعلِ جاں سیرتِ پاک
لکھنے والو! مرے آقاؐ کے بس خطاب لکھو
Parhney walon ke liye mashal-e-jaan seerat-e-pak
Likhne walo! mere Aaqaؐ ke bas khitaab likho
آپؐ کے نقشِ قدم سے جو بٹ رہا ہے شعور
اُسی کو حکمت و دانش کی آب و تاب لکھو
Aapؐ ke naqsh-e-qadam se jo bat raha hai sha'oor
Usi ko hikmat o danish ki aab o tab likho
بااَدب جس نے بھی تنہائی میں درود پڑھا
اُسے دربارِ رسالت میں باریاب لکھو
Ba-adab jis ne bhi tanhai mein durood parha
Usay darbar-e-risalat mein bariyaab likho
چشمِ سرکارؐ نے صحرائوں میں گلشن بانٹے
ذرّہِ ریگِ عرب کو بھی اَب گلاب لکھو
Chashm-e-Sarkarؐ ne sehraon mein gulshan bantay
Zarra-e-reeg-e-Arab ko bhi ab gulaab likho
قلزمِ نُور ہے پیشانی مبارک یہ بجا
نقشِ نعلین کو بھی رشکِ آفتاب لکھو
Qulzam-e-noor hai peshaani mubarak yeh baja
Naqsh-e-na'lain ko bhi rashk-e-aftab likho
اُنکی چاہت ہے تو پھر دل کا ہے گلشن آباد
اُن سے دوری ہے اگر زندگی عذاب لکھو
Unki chahat hai to phir dil ka hai gulshan aabaad
Un se doori hai agar zindagi azaab likho
آل و اصحاب کو پہلے محبتوں کا خراج
جہاں میں جب کبھی تم عشق کا نصاب لکھو
Aal o ashab ko pehle mohabbat ka khiraaj
Jahan mein jab kabhi tum ishq ka nisaab likho
اُدھر ہے وعدہ ’’فترضیٰ‘‘ کا رب کا تیرے ساتھ
اِدھر ہے حکم فرشتوں کو سب حساب لکھو
Udhar hai wa'ada "fatarzaa" ka Rab ka tere saath
Idhar hai hukum farishton ko sab hisaab likho
مجھ سے ناقص کو کہا مُرشدِ کامل نے شکیلؔ
نعتِ سرکارؐ کی تم بھی کوئی کتاب لکھو
Mujh se naaqis ko kaha murshid-e-kaamil ne Shakeelؔ
Naat-e-Sarkarؐ ki tum bhi koi kitaab likho
Share This Naat
Share with friends and family
طرزِ سرکارؐ کو بس جانِ انقلاب لکھو
محمد شکیل نقشبندی