جد رات پئی تے سوہنے نوں رب کول بلا کے ویکھ لیا
دن چڑھیا کملی والے نوں سب یاراں آکے ویکھ لیا
Jad raat payee te sohnay nu Rab kol bula ke wekh lia
Din charhia kamli walay nu sab yaraan aake wekh lia
خالق وی تاہنگے درشن نوں مخلوق وے ترسے ویکھن نوں
کسے کول بلا کے ویکھ لیا کسے در تے جا کے ویکھ لیا
Khaliq vi tahange darshan nu makhlooq ve tarse wekhn nu
Kise kol bula ke wekh lia kise dar te ja ke wekh lia
مطلوب اے سُتّا فرشاں تے طالب نوں اڈیکاں عرشاں تے
جبرئیلؑ نوں گھلیاں نال ادب سوہنے نوں جگا کے ویکھ لیا
Matloob ay sutta farshaan te talib nu adaikan arshaan te
Jibraeel A.S. nu ghalian nal adab sohnay nu jaga ke wekh lia
تلیاں نے پاک حضورؐ دیاں اج صدقے اکھیاں نُور دیاں
قاصد نے سوہنے قدماں وچہ سر اپنا جھکا کے ویکھ لیا
Taliyain ne paak Huzoor ﷺ diyaan ajj sadqe akhiyan noor diyaan
Qaasid ne sohnay kadmaan wich sir apna jhuka ke wekh lia
معراج دا مطلب ایہہ کہنا طالب مطلوب دا مل بہنا
اک دوجے نے اک دوجے نوں رج کول بٹھا کے ویکھ لیا
Mairaaj da matlab eh kehna talib matloob da mil behna
Ik doojay ne ik doojay nu raj kol bitha ke wekh lia
چرچا سرکارؐ دا کرنا ایں ساڈا ایخو جینا مرنا ایں
ہوندا اے ظہوریؔ رب راضی اساں نعت سُنا کے ویکھ لیا
Charcha Sarkar ﷺ da karna ay saada eikho jeena marna ay
Honda ay Zahoori Rab raazi assan naat suna ke wekh lia
Share This Naat
Share with friends and family
جد رات پئی تے سوہنے نوں رب کول بلا کے ویکھ لیا
محمد علی ظہوری