روشنی سے ہوں الگ سائے یہ منظور نہیں
زندگی اُن سے بچھڑ جائے یہ منظور نہیں
Roshni se hun alag saaye ye manzoor nahi
Zindagi un se bichhar jaye ye manzoor nahi
کاٹ دے سر کوئی میرا ، یہ گوارا ہے مجھے
اُن کے ناخن پہ خراش آئے یہ منظور نہیں
Kaat de sar koi mera, ye gawara hai mujhe
Un ke naakhun pe kharaash aaye ye manzoor nahi
ہم غریبوں کا درودوں پہ گزارا ہے فقط
ہم سے چھن جائیں یہ سرمائے یہ منظور نہیں
Hum ghareebon ka duroodon pe guzara hai faqat
Hum se chhin jayein ye sarmaaye ye manzoor nahi
رحمتیں آپ کی سیراب کئے رکھتی ہیں
کوئی دریا ہمیں تر سائے یہ منظور نہیں
Rehmaten aap ki siraab kiye rakhti hain
Koi darya humein tar saaye ye manzoor nahi
نبض چلتی ہے تو آقاؐ سے اجازت لے کر
د ے ہمیں اور کوئی رائے یہ منظور نہیں
Nabz chalti hai to Aaqa (SAW) se ijazat le kar
De humein aur koi raaye ye manzoor nahi
اپنی سانسوں سے ہمیں بوئے محمدؐ آئے
مختلف اُن سے ہوں پیرائے یہ منظور نہیں
Apni saanson se humein booye Muhammad (SAW) aaye
Mukhtalif un se hun paraaye ye manzoor nahi
اِس جہاں میں ہو مظفر کہ ہو اُس دنیا میں
اُن کا مدّاح نہ کہلائے یہ منظور نہیں
Iss jahan mein ho Muzaffar ke ho us duniya mein
Un ka maddah na kehlaaye ye manzoor nahi
Share This Naat
Share with friends and family
روشنی سے ہوں الگ سائے یہ منظور نہیں
مظفر وارثی