کرم دی اک نظر سرکار ہووے
میں ہوواں تے ترا دربار ہووے
Karam di ik nazar Sarkar hoove
Main howaan te tera Darbar hoove
میں تیتھوں ہور کچھ منگدا نئیں مولا
اکھاں دے سامنے بس یار ہووے
Main teethon hor kuch mangda nai Mola
Akhaan de samne bas Yaar hoove
جنہاں کھاہدے نبی دے دور دے ٹکڑے
نظر اوناں دی عرشوں پار ہووے
Jinah khaihde Nabi de door de tukre
Nazar onanh di Arshon paar hoove
اوہنوں ساری خدائی پیار کر دی
جنہوں پیارے نبی تھیں پیار ہووے
Ohnon sari khudayi pyar kar di
Jinhon pyare Nabi thi pyar hoove
مری مدت توں ایہو آرزو اے
مدینے وچ مرا گھر بار ہووے
Meri muddat to eh arzo ae
Madine vich mera ghar baar hoove
کدی تے میرے ستے بخت جاگن
کدی تے آپ دا دیدار ہووے
Kadi te mere sette bakht jagan
Kadi te aap da deedar hoove
زمانے دے غماں دا غم نہیں کردا
جہدا سوہنا نبی غم خوار ہووے
Zamane de ghaman da gham nahi karda
Jehda sohna Nabi gham khwar hoove
میں ستیاں ستیاں جا پہنچاں مدینے
مقدر جے کدی بیدار ہووے
Main sattiyaan sattiyaan ja pohnchan Madine
Muqaddar je kadi bedar hoove
نیازی راضی ہووے جس تے سوہناں
اوہدے ورگا نہ وچہ سنسار ہووے
Niazi raazi hoove jis te sohna
Ohde warga na wicha sansaar hoove
Share This Naat
Share with friends and family
کرم دی اک نظر سرکار ہووے
عبدالستار نیازی