رشتے تمام توڑ کے سارے جہاں سے ہم
وابستہ ہوگئے ہیں ترے آستاں سے ہم
Reshtay tamam tod ke saray jahan se hum
Wabasta hogaye hain tare astan se hum
ہر رُخ سے ہر جگہ تھیں مصائب کی یو رشیں
ان کا کرم نہ ہوتا تو بچتے کہاں سے ہم
Har rukh se har jagah thein masaib ki yawrashain
Un ka karam na hota to bachty kahan se hum
ہم ہیں غلام ان کی غلامی پہ ناز ہے
پہچانے جائیں گے اسی نام و نشاں سے ہم
Hum hain ghulam un ki ghulami pe naaz hai
Pehchane jayenge esi naam o nishan se hum
سرکارؐ آپ خود ہی کرم سے نواز دیں
کچھ عرض کر سکیں گےنہ اپنی زباں سے ہم
Sarkarؐ aap khud hi karam se nawaz dein
Kuch arz kar sakenge naa apni zuban se hum
یہ سب غمِ حبیبِؐ مکرم کا فیض ہے
آزاد ہوگئے ہیں غمِ دو جہاں سے ہم
Yeh sab gham-e-habibؐ-e-mukarram ka faiz hai
Azad hogaye hain gham-e-do jahan se hum
دنیا سمجھ رہی ہے غنی اور ہیں غنی
پانے ہیں بھیک ایسے سخی اَستاں سے ہم
Duniya samajh rahi hai ghani aur hain ghani
Pane hain bheek aise sakhi astan se hum
حق کر سکے ادا جو ثنائے حضورؐ کا
ایسی زبان لائیں تو لائیں کہاں سے ہم
Haq kar sake ada jo sana-e-hazoorؐ ka
Aysi zuban laayein to laayein kahan se hum
حارج نہیں ہے وسعتِ کون و مکاں کہیں
سنتے ہیں وہ ضرور پکاریں جہاں سے ہم
Harij nahi hai wusat-e-kon o makan kahin
Sunte hain woh zarur pukarein jahan se hum
ایسا سدا بہار ہے داغِ غمِ نبیؐ
محفوظ ہی رہیں گے ہمیشہ خزاں سے ہم
Aysa sada bahar hai dagh-e-gham-e-nabiؐ
Mahfooz hi rahenge hamesha khazan se hum
اندازہ ہے یہ شدتِ جذبات دیکھ کر
پہنچے اگر نہ آئیں گے واپس وہاں سے ہم
Andaza hai yeh shiddat-e-jazabat dekh ke
Pahunche agar na aayein ge wapas wahan se hum
سوئے حرم چلے جو مسرت کے قافلے
روئے لپٹ کے گردِ رہِ کارواں سے ہم
Soye haram chale jo musarrat ke qaflay
Roye lipat ke gard-e-rah-e-karwan se hum
ایمان و آگہی ہے یہی بندگی یہی
رکھتے ہیں غم عزیز بہت اپنی جاں سے ہم
Imaan o agahi hai yahi bandagi yahi
Rakhte hain gham azeez bohot apni jaan se hum
خالدؔ درِ حضورؐ اگر ہو گیا نصیب
دونوں جہان لیکے اٹھیں گے وہاں سے ہم
Khalidؔ dar-e-hazoorؐ agar ho gaya naseeb
Dono jahan leke uthain ge wahan se hum
Share This Naat
Share with friends and family
رشتے تمام توڑ کے سارے جہاں سے ہم
خالد محمود خالد