نثار چاند ہے ، قربان آفتاب کی دھوپ
ہے خوشگوار عجب روئے آنجناب کی دھوپ
Nisaar chaand hai, qurban aaftaab ki dhoop
Hai khushgawaar ajab ro-e-aanjanab ki dhoop
اے آفتابِ فصاحت ! فصیح کہتے ہیں
’’ کھلی ہے صحنِ سخن میں ترے خطاب کی دھوپ‘‘
Ae aaftaab-e-fasaahat! Faseeh kehte hain
"Khuli hai sa'n-e-sukhan mein tere khitaab ki dhoop"
حضور اپنی شفاعت کے سائے میں رکھیے !
جلائےمجھ کو نہ عصیاں کے احتساب کی دھوپ
Huzoor apni shafa'at ke saaye mein rakhye!
Jalayae mujhe na isyaan ke ihtaasaab ki dhoop
عطائے مہرِ رسالت تو عام ہے لیکن
ہو جیسا صحنِ دل آتی ہے اُس حساب کی دھوپ
Ataye mehr-e-risaalat to aam hai lekin
Ho jaisa sa'n-e-dil aati hai us hisaab ki dhoop
سبھی نجومِ نبوّت ہیں مستفید اس سے
ملی ہے سب کو مدینے کے آفتاب کی دھوپ
Sabhi nujoom-e-nubuwwat hain mustafeed is se
Mili hai sab ko Madine ke aaftaab ki dhoop
جھلس گیا وہ جہنّم کی آگ سے گویا
پڑی ہے جس پہ ذرا آپ کے عتاب کی دھوپ
Jhulas gaya woh jahannum ki aag se goya
Pari hai jis pe zara aap ke ataab ki dhoop
رہے ثنائے محمّد کا سایہ سر پہ مرے
گزار یوں مِرے مولا ! مرے شباب کی دھوپ
Rahe sana-e-Muhammad ka saaya sar pe mere
Guzar yun mere Moula! Mere shabaab ki dhoop
جسے بھی نورِ خدا سایۂ کرم بخشے
پڑے گی اس پہ نہ ، رب کی قسم ، عذاب کی دھوپ
Jise bhi noor-e-Khuda saaya-e-karam bakshe
Paregi is pe na, Rab ki qasam, azaab ki dhoop
عیاں ہیں روئے معظمؔ سے اس لیے انوار
کہ صحن دل میں ہے عشقِ فلک مآب کی دھوپ
Ayaan hain ro-e-Mu'azzam se is liye anwaar
Ke sa'n-dil mein hai ishq-e-falak ma'aab ki dhoop
Share This Naat
Share with friends and family
نثار چاند ہے ، قربان آفتاب کی دھوپ
معظم سدا معظم مدنی