راہی طیبہ دا بُرا بھاویں بھلا ہندا اے
سب تے آقا دا کرم اکو جہیا ہندا اے
rahi tayba da bura bhaven bhala honda ae
sab te aaqa da karam iko jehiya honda ae
اوندا متھے تے ندامت دا اے مڑھکا جس دم
سجدہ اودوں ای حقیقت چ ادا ہندا اے
onda mathe te nadamat da ae rakhda jis dam
sajda odon ei haqeeqat ch ada honda ae
ویکھ دوجے تے کرم ہندا ناں کھولیں لب نوں
اوتھے جے گل وی کرئیے تے گِلہ ہندا اے
vekh doje te karam honda na kholain lab nu
othe je gal vi kariye te gila honda ae
حشر وچ اوس نوں ہتھ لاؤندے فرشتے ناہیں
جو گنہگار ابدی زیر ردا ہندا اے
hashar vich os nu hath laonde farishte naheen
jo gunahgar abdi zer e rida honda ae
جو نبی پاک دے ہے عشق چ فانی ہویا
اوہو باقی اے تے اوہو ای بقا ہندا اے
jo nabi pak de hai ishq ch faani hoya
oho baaqi ae te oho ei baqa honda ae
کیویں دیوانہ محمد دا سنے گا تیری
اوہ تے سرکار دی محفل چ گیا ہندا اے
kiven deewana Muhammad da sunega teri
o te sarkar di mehfil ch gaya honda ae
اوہو تحریر ہاں قرطاس تے کردا صائم
شعر مینوں جو مدینے چوں عطا ہندا اے
oho tehreer haan qartaas te karda Sa’im
share menu jo madine choon ata honda ae
Share This Naat
Share with friends and family
راہی طیبہ دا بُرا بھاویں بھلا ہندا اے
علامہ صائم چشتی