تھے عالی مرتبہ سب انبیاء اوّل سے آخر تک
مگر سرکار سا کوئی نہ تھا اوّل سے آخر تک
The aali martaba sab ambiya awwal se aakhri tak
Magar sarkar sa koi na tha awwal se aakhri tak
نکل آئیں گے حل سب مسئلوں کے چند لمحوں میں
حیاتِ مصطفےٰ کو سوچنا اوّل سے آخر تک
Nikal aain ge hal sab maslon ke chand lamhon mein
Hayaat-e-Mustafa ko sochna awwal se aakhri tak
اُتارے جسم و جاں پر سارے موسم شادمانی کے
بدل دی شہرِ ہستی کی فضا اوّل سے آخر تک
Utaare jism o jaan par saare mausam shaadmaani ke
Badal di shehr-e-hasti ki fiza awwal se aakhri tak
جنہیں اُمی لقب کہہ کر زمانہ یاد کرتا ہے
وہی ہیں حامل علم خدا اوّل سے آخر تک
Jinhain ummi laqab keh kar zamana yaad karta hai
Wohi hain haamil ilm Khuda awwal se aakhri tak
فرشتوں نے مری لوحِ عمل پر روشنی رکھ دی
ثناء خوانِ محمد لکھ دیا اوّل سے آخر تک
Farishton ne meri loh-e-amal par roshni rakh di
Sana khwaan-e-Muhammad likh diya awwal se aakhri tak
ملی ہے کاسہء فن کو مرے خیرات طیبہ سے
مرا دیوان ہے اُن کی عطا اوّل سے آخر تک
Mili hai kasa-e-fan ko mere khairaat Taiba se
Mera deewan hai unki ata awwal se aakhri tak
بہارِ نعت سے باغ سخن لہکا صبیح ؔ ایسا
تر و تازہ رہی فصلِ نوا اوّل سے آخر تک
Bahar-e-naat se baagh sakhan lehka Sabeeh aisa
Tar o taaza rahi fasl-e-nawa awwal se aakhri tak
Share This Naat
Share with friends and family
تھے عالی مرتبہ سب انبیاء اوّل سے آخر تک
سید صبیح الدین صبیح رحمانی