ہمیشہ جانبِ حسنِ عمل روانہ کیا
کبھی برائی کو تو نے شہا ! روا نہ کیا
hamesha janib-e-husn-e-amal rawana kiya
kabhi burai ko tu ne shaha! rawana kiya
سجودِ حرف بہ ہر وقت خاشعانہ کیا
نمازِ نعت کو ہم نے کبھی قضا نہ کیا
sajood-e-harf bah har waqt khashana kiya
namaz-e-naat ko hum ne kabhi qaza na kiya
رہا خموش یا سائل نے کچھ بہانہ کیا
کرم ، کریم نے کس وقت بے بہا نہ کیا؟
raha khamosh ya sail ne kuch bahanah kiya
karam, kareem ne kis waqt be baha na kiya?
ترے عدو سے رہ و رسم کو روا نہ کیا
ہمیشہ ترے غلاموں سے دوستانہ کیا
tere adu se rah o rasme ko rawana kiya
hamesha tere ghulamon se dosti-yana kiya
اسی نے تجھ سے تعلق کو عاشقانہ کیا
جسے مُحرِّرِ قسمت نے ذی شِقا نہ کیا
isi ne tujh se ta'alluq ko ashiqana kiya
jise muharrir-e-qismat ne zi shaqa na kiya
جو دل کو حاصلِ ایمان پر فدا نہ کیا
تو جان لو کہ ہے یکساں ، عمل کیا نہ کیا
jo dil ko hasil-e-eman par fida na kiya
to jaan lo ke hai yaksan, amal kiya na kiya
اے وجہِ طیّ زمان و مکاں ! شہِ معراج
جو چاہا آپ نے پل بھر کو صد زمانہ کیا
ay wajah-e-tayy zaman o makan! shah-e-miraj
jo chaha aap ne pal bhar ko sad zamana kiya
شکم پہ باندھ کے پتّھر کسی نے کاٹی عمر
کسی نے بیسیوں کھانوں پہ اکتفا نہ کیا
shikam pe band ke pattar kisi ne kati umar
kisi ne beesiyon khanon pe iktifa na kiya
کسی کو سجدے سے مانع نہ ہوسکی تلوار
کسی نے امن و مسرت میں بھی ادا نہ کیا
kisi ko sajde se mani' na hosaki talwar
kisi ne amn o musarrat mein bhi ada na kiya
بھرے نہ کاسہ کسی کا جو بابِ شہرِ علم
درِ سخن کبھی اس پر خدا نے وا نہ کیا
bhare na kasa kisi ka jo bab-e-shehr-e-ilm
dar-e-sukhan kabhi us par khuda ne wa na kiya
ہے گل کو حالِ عنادل کا علم ، سو ہم نے
پیامِ شوق کو منّت کشِ صبا نہ کیا
hai gul ko hal-e-anadil ka ilm, so hum ne
payam-e-shoq ko minnat kash-e-saba na kiya
نصوصِ قاطعہ شاہد ہیں بر ملا ، رب نے
کسی کو تیرے سوا ختمِ انبیا نہ کیا
nasus-e-qati'ah shaahid hain bar mala, Rab ne
kisi ko tere siwa khatam-e-anbiya na kiya
ثنائے شاہِ معظم کا فیض ، کیا کہیے
کہ جس نے مجھ سے دو آنہ کو سولہ آنہ کیا
sana-e-shah-e-mo'azzam ka faiz, kya kahye
ke jis ne mujh se do aana ko solah aana kiya
Share This Naat
Share with friends and family
ہمیشہ جانبِ حسنِ عمل روانہ کیا
معظم سدا معظم مدنی