درِ مُصطفٰے سے جو نسبت نہیں ہے
کسی بھی دُعا کی اجابت نہیں ہے
Dar-e-Mustafa se jo nisbat nahi hai
Kisi bhi dua ki ijabat nahi hai
عبث اُن کا دعوٰی ہے ایمان کا بھی
جنہیں مُصطفٰے سے محبّت نہیں ہے
Abas unka daawa hai imaan ka bhi
Jinhain Mustafa se muhabbat nahi hai
عمل ، گویا رُوحِ عمل سے ہے خالی
جو پیشِ نظر اُن کی سیرت نہیں ہے
Amal, goya rooh-e-amal se hai khaali
Jo paish-e-nazar unki seerat nahi hai
ہے طاعت خُدا کی بھلا کیسے ممکن
اگر مُصطفٰے کی اِطاعت نہیں ہے
Hai taat Khuda ki bhala kaise mumkin
Agar Mustafa ki itaat nahi hai
پلٹنا مدینے کی مہکی گلی سے
کوئی اِس سے بڑھ کر قیامت نہیں ہے
Palatna Madine ki mehki gali se
Koi is se barh kar qiyamat nahi hai
درِ مُصطفٰے کی ملے خاک رُوبی
تو اُس جیسی کوئی سعادت نہیں ہے
Dar-e-Mustafa ki mile khaak robi
To us jaisi koi saadat nahi hai
رکھے دل میں آلِ نبی سے عداوت
بڑی اِس سے کوئی شقاوت نہیں ہے
Rakkhe dil mein Aal-e-Nabi se adawat
Bari is se koi shaqawat nahi hai
شہادت ، شہیدوں کے ماتھے کا جُھومر
پہ شبّیر جیسی شہادت نہیں ہے
Shahadat, shaheedon ke maathe ka jhoomar
Pe Shabbir jaisi shahadat nahi hai
زمانے میں قاری کروڑوں ہیں لیکن
کسی کی سِناں پر تلاوت نہیں ہے
Zamane mein qaari karoron hain lekin
Kisi ki sinaaN par tilaawat nahi hai
جلیل ایسا ایماں کہاں معتبر ہے
جو آلِ نبی سے مودّت نہیں ہے
Jaleel aisa imaan kahaan motabar hai
Jo Aal-e-Nabi se moddat nahi hai
Share This Naat
Share with friends and family
درِ مُصطفٰے سے جو نسبت نہیں ہے
حافظ عبدالجلیل