ٹرپئے نے مسافر طیبہ دے ویکھن روضنے دیاں شاناں نوں
ربا خیریں خیریں لے جاویں نبی پاک دیاں مہماناں نوں
Trpye ne musafir tayyba de vekhn roznay diyan shanan nu
Rabba khairan khairan le javen nabi pak diyan mehmaanan nu
اس در دی عظمت کی دساں اوتھے ہیچ خزانے دو جگ دے
اساں رو کے منگدایاں ویکھیا اے اوہدے دراتے سلطاناں نوں
Is dar di azmat ki dasaan othe hech khazane do jag de
Assaan ro ke mangdayaan vekhya ae ohde darate sultanan nu
ایہ کرم ہے کملی والے دا تسیں شہر مدینے ٹرپٹے او
ہر ویلے رکھنا یاد تسیں اوہدے لطف کرم احساناں نوں
Eh karam hai kamli walay da tuseen shehar madine trpatay o
Har wele rakhna yaad tuseen ohde lutf karam ehsanaan nu
سوہنے دیو سوہنیوں مہمانوں دکھیاں دا سلام وی کہہ دیناں
ساڈے لئی ایہو کافی اے کی کرنا طول بیاناں نوں
Sohne deo sohaniyo mehmanu dukhiyan da salam wi keh dena
Saday layi eho kafi ae ki karna tool biyanaan nu
اوہ ہس ہس چمدے داراں نوں پورا کر دے قول قراراں نوں
اک یار دا جلوہ ویکھن لئی کر دے نے پیش اوہ جاناں نوں
Oh has has chamde dyaan nu poora kar de qool qararaan nu
Ik yaar da jalwa vekhn layi kar de ne paish oh jaana nu
الفت دے وگدے شوہ اندر مل پا دیندے منجدھاراں دا
جیہڑے ٹھلدے یار داناں لے کے کی جانن اوہ طوفاناں نوں
Ulfat de wagde sho andar mil pa deinde manjdharaan da
Jehre thulde yaar daanaan le ke ki jaanan oh toofanan nu
توں یار نیازی کی لیناں دنیا دے جھیڑے جھگڑیاں چوں
سوہنے دیاں نعتاں پڑھدا رو رب قائم رکھے ایماناں نوں
Tuun yaar Niazi ki lena dunia de jheray jhgarian chon
Sohne diyan naatan prhda ro rab qaim rakhe imanaan nu
Share This Naat
Share with friends and family
ٹرپئے نے مسافر طیبہ دے ویکھن روضنے دیاں شاناں نوں
عبدالستار نیازی