اندھے شیشوں کو اجالے جو عطا کرتے ہیں
ہم انھیں معدنِ انوار کہا کرتے ہیں
Andhe sheeshon ko ujale jo ata karte hain
Hum inhein ma'dan-e-anwar kaha karte hain
ہم وہ عاصی ہیں، عطاؤں پہ خطا کرتے ہیں
وہ وہ حاتم ہیں، خطاؤں پہ عطا کرتے ہیں
Hum woh aasi hain, 'ataon pe khata karte hain
Woh woh Hatim hain, khataon pe 'ata karte hain
نجدی کہتا ہے انھیں اپنا سا اک عام بشر
ہم انھیں احمدِ مختار کہا کرتے ہیں
Najdi kehta hai inhein apna sa ek aam bashar
Hum inhein Ahmad-e-Mukhtar kaha karte hain
جن کا کلمہ پڑھیں توہین کریں ان کی ہی
زندگی ایسی بھی کچھ لوگ جیا کرتے ہیں
Jin ka kalma parhein tauheen karein un ki hi
Zindagi aisi bhi kuch log jiya karte hain
آقا خود دیتے ہیں ہم جیسے غلاموں کو جواب
اٹھے بیٹھے جو درود ان پہ پڑھا کرتے ہیں
Aaqa khud dete hain hum jaise ghulamon ko jawab
Uthe baithe jo durood un pe padha karte hain
سو جا، سوجا، کہ جوں سوتی ہے نویلی دولہن
قبر میں مجھ کو فرشتے یہ ندا کرتے ہیں
So ja, soja, ke joon soti hai naveeli dulhan
Qabar mein mujh ko farishte yeh nida karte hain
جسم بے سایہ کا سایہ تھے جنابِ حسنین
خانداں یوں ہی نواسوں سے چلا کرتے ہیں
Jism be saaya ka saaya the Janab-e-Hasnain
Khandan yoon hi nawason se chala karte hain
حرمتِ مے ہے مسلم کہ ہے رب کا فرمان
ان کا کیا جو مئے روحانی پیا کرتے ہیں
Hurmat-e-mai hai Muslim ke hai Rab ka farmaan
Un ka kya jo mai ruhani piya karte hain
لکھے جائے ترے محبوب کی نعتیں یارب
سب ہی نظمی کے لیے ایسی دعا کرتے ہیں
Likhe jaye tere mahboob ki naatein ya Rab
Sab hi Nazmi ke liye aisi dua karte hain
Share This Naat
Share with friends and family
اندھے شیشوں کو اجالے جو عطا کرتے ہیں
سید آل رسول حسنین میاں برکاتی نظمی