قرآن ہے ، دیوان ہے ، قاری ہے ، مدحت خوان ہے
جاری مری سرکارؐ کے اذکار کا فیضان ہے
Qur'aan hai, deewaan hai, qaari hai, mad'hat khwaan hai
Jaari meri sarkaar(ﷺ) ke azkaar ka faizaan hai
محفل نبیؐ کی ہے سجی ، ہر اک کے لب پر ہے درود
وا کر رہا بابِ جناں اک شان سے رضوان ہے
Mehfil Nabi(ﷺ) ki hai saji, har ek ke lab par hai darood
Wa kar raha baab-e-jannat ek shaan se Rizwaan hai
ہادی بھی وہ ، شافع بھی وہ ، حامی بھی وہ ،محسن بھی وہ
ان کے کرم پر منحصر ہر نصرت و احسان ہے
Haadi bhi woh, shaafi bhi woh, haami bhi woh, mohsin bhi woh
Un ke karam par munhasir har nusrat o ehsaan hai
در پر پڑا ہوں آپؐ کے اے سرورِؐ کون و مکاں
اس انکسار و عجز سے تازہ مرا ایمان ہے
Dar par para hoon aap(ﷺ) ke ae Sarwar(ﷺ)-e-koun o makaan
Is inkisaar o ajz se taaza mera imaan hai
اس ذاتِ اقدس سے مجھے نسبت ہوئی ہے مرحبا
میں قاریِ قرآن ہوں وہ صاحبِ قرآن ہے
Is zaat-e-aqdas se mujhe nisbat hui hai marhaba
Main qaari-e-Qur'aan hoon woh saahib-e-Qur'aan hai
آتی ہے مدحت خوب تر از فکر و ادراک و شعور
جس میں جھلکتی ہے وفا وہ آئنہ وجدان ہے
Aati hai mad'hat khoob tar az fikr o idraak o shu'oor
Jis mein jhalakti hai wafa woh aa'ina wijdan hai
زیر کرم ان کے فقط مہر و مہ و انجم نہیں
ممنون ان کا دہر میں ہر گلشن و بُستان ہے
Zair karam un ke faqat mehr o mah o anjum nahi
Mamnoon un ka deher mein har gulshan o bustaan hai
ذکرِ نبیؐ ، حبِّ نبیؐ ، نعتِ نبیؐ کا ساتھ ہو
ہر سانس سے باندھا ہوا ہم نے یہی پیمان ہے
Zikr-e-Nabi(ﷺ), hubb-e-Nabi(ﷺ), na'at-e-Nabi(ﷺ) ka saath ho
Har saans se baandha hua hum ne yehi paimaan hai
مسکن مرا طیبہ میں ہو ، مدفن مرا طیبہ میں ہو
طاہرؔ مرا تا زندگی از بس یہی ارمان ہے
Maskan mera Tayyibah mein ho, madfan mera Tayyibah mein ho
Taahir mera ta zindagi az bas yehi armaan hai
Share This Naat
Share with friends and family
قرآن ہے ، دیوان ہے ، قاری ہے ، مدحت خوان ہے
پروفیسر محمد طاہر صدیقی