ہوگے علومِ لوح سے محرم لکھا کرو
ہر لمحہ اسمِ سرورِ عالم لکھا کرو
Hoge Uloom-e-Looh se Mehrem likha karo
Har lamha Ism-e-Sarwar-e-Aalam likha karo
کردے گا دور عرصۂِ آلام کو درود
وردِ لِساں رکھو ، اسے ہر دم لکھا کرو
Karde ga door arsah-e-aalaam ko darood
Vird-e-Lisan rakho, ise har dum likha karo
حصے کرے ہے ماہ کے دو ، مہر عود ہو
امکاں کا اس کو مالک و اَحکم لکھا کرو
Hisse kare hai maah ke do, mahr aud ho
Imka ka us ko Malik-o-Ahkum likha karo
کوئی کہاں احاطہ کرے اس کے علم کا ؟
اللّٰہ کے سوا اسے اَعلَم لکھا کرو
Koi kaha ahata kare is ke ilm ka?
Allah ke siwa ise A'lam likha karo
اِک لامکاں کا راہی کمالوں کی اصل ہے
اس کو ہی روحِ موسی و آدم لکھا کرو
Ik La-Makan ka rahi kamalon ki asal hai
Us ko hi Rooh-e-Moosa o Adam likha karo
موسٰی کے واسطے رہا اللّٰہ سے کلام
سرکار کو " رَاَیٰ " سے مُکرّم لکھا کرو
Moosa ke vaste raha Allah se kalaam
Sarkar ko "Raa'a" se Mukarram likha karo
مَدّاحی اصلِ وَصلِ محمّد ہے ، سو لکھو
اس کے سوا کلام کو کم کم لکھا کرو
Maddahi asal-e-vasl-e-Muhammad hai, so likho
Is ke siwa kalaam ko kam kam likha karo
مَاوائے کُل عوالم و مَولائے کُل دُہور
اس روحِ ہر مُراد کو ارحم لکھا کرو
Maawa-e-kul Awalim o Maula-e-kul Duhur
Is rooh-e-har murad ko Arham likha karo
آلام دور ہوں گے ، محمد کے اسم سے
مدحِ رسول درد کا مرہم لکھا کرو
Aalaam door honge, Muhammad ke ism se
Madh-e-Rasool dard ka marham likha karo
ہمرہ سدا ! رہے گا کرم کردگار کا
مَدّاحی اس رسول کی ہر دم لکھا کرو
Hamra sada! rahe ga karam Kardigar ka
Maddahi is Rasool ki har dam likha karo
Share This Naat
Share with friends and family
ہوگے علومِ لوح سے محرم لکھا کرو
معظم سدا معظم مدنی