منوّر ہو گئی دنیا ہوئے سرکار جب پیدا
دو عالم میں شہنشاہِ مدینہ کے اجالے ہیں
Manawwar ho gayi duniya hue sarkar jab paida
Do alam mein shahinshah-e-Madina ke ujale hain
جھپٹتے تھے صحابہ ”قطرۂ آبِ وضو“ لینے
بڑے مسعود سرکارِ دو عالم کے غسالے ہیں
Jhaptte the sahaba "qatra-e-aab-e-wudu" lene
Bare masood sarkar-e-do alam ke ghasale hain
وہی آقا، وہی داتا، وہی قاسم، وہی حاکم
جو ہم کھاتے ہیں پیتے ہیں اسی در کے نوالے ہیں
Wahi aqa, wahi data, wahi qasim, wahi hakim
Jo hum khate hain peete hain usi dar ke nawalay hain
محمد کی محبت دینِ حق کی شرطِ اول ہے
محبت کرنے والے اصل میں ایمان والے ہیں
Muhammad ki muhabbat deen-e-haq ki shart-e-awwal hai
Muhabbat karne wale asal mein imaan wale hain
ترے جیسا نہ پایا اے امام الانبیاء ہم نے
یہ بولے بلبلِ سدرہ دو عالم چھان ڈالے ہیں
Tere jaisa na paya ae imam-ul-anbiya hum ne
Yeh bole bulbul-e-sidra do alam chhan dalay hain
فرشتے قبر میں پوچھیں اگر تو صاف کہہ دوں گا
غلامِ شاہِ بطحا ہوں یہی میرے حوالے ہیں
Farishtay qabar mein poochhein agar to saaf keh doon ga
Ghulam-e-shah-e-Batta hoon yehi mere hawalay hain
فصیحانِ عرب ہیں دنگ آقا کی فصاحت پر
نبی کے سامنے ان کی زباں کے بند تالے ہیں
Fasihan-e-arab hain dang aqa ki fasahat par
Nabi ke samne un ki zuban ke band talay hain
نظامِ زندگی میں آگئیں تبدیلیاں ہر سو
زمانے پر نبی نے ایسے کچھ اثرات ڈالے ہیں
Nizam-e-zindagi mein aagayeen tabdiliyan har su
Zamane par nabi ne aise kuch asraat dalay hain
اچانک زلزلہ پیدا ہوا ایوانِ باطل میں
نبی نے دینِ حق کے صُور جس دم پھونک ڈالے ہیں
Achanak zalzala paida hua aewaan-e-batil mein
Nabi ne deen-e-haq ke soor jis dam phoonk dalay hain
کھنکتا ہے زمانے میں انہیں کے نام کا سکّہ
زمیں سے آسماں تک مصطفیٰ کے بول بالے ہیں
Khankta hai zamane mein unhi ke naam ka sikka
Zameen se aasmaan tak Mustafa ke bol baley hain
بفیضانِ رفعنا یہ حقیقت ہوگئی ظاہر
ہے اونچا مرتبہ ان کا وہ اونچی شان والے ہیں
Bafiadaan-e-rafana yeh haqeeqat hogayi zahir
Hai ooncha martaba un ka woh oonchi shan walay hain
پڑھو صل علیٰ، صل علیٰ تم ہر گھڑی احمدؔ
درودِ پاک ہر غم سے رہائی دینے والے ہیں
Padho Sal Ala, Sal Ala tum har ghari Ahmed
Durood-e-pak har gham se rehai dene walay hain
Share This Naat
Share with friends and family
منوّر ہو گئی دنیا ہوئے سرکار جب پیدا
مولانا طفیل احمد مصباحی