گریزاں ہوں صداقت سے وہ لَب ایسے نہیں ہوتے
رفیقانِ شہنشاہِؐ عرب، ایسے نہیں ہوتے
Garezaan hoon sadaqat se wo lab aise nahi hote
Rafeeqan-e-Shehenshah-e-Arab, aise nahi hote
محبت کے کئی مشکل مراحل سے گزرتے ہیں
عمر جیسے جیالے منتخب، ایسے نہیں ہوتے
Mohabbat ke kayi mushkil marahil se guzarte hain
Umar jaise jiyale muntakhib, aise nahi hote
بہت ہوتے ہیں محتاجوں سے نظریں پھیرنے والے
مگر اُنؐ کے صحابہ خوش لقب، ایسے نہیں ہوتے
Bohat hote hain mohtaajon se nigahein pherne wale
Magar un ke sahaba khush laqab, aise nahi hote
وہ لمحے لوٹ کر آئے نہ آئیں گے کسی صورت
جو اُنؐ کے ساتھ بیتیں روز و شب، ایسے نہیں ہوتے
Wo lamhe laut kar aaye na aayenge kisi soorat
Jo un ke saath beetien roz o shab, aise nahi hote
تجھے کیا ہوگیا نظریں جھکا کر کیوں نہیں چلتا
مدینے کے مسافر بے ادب، ایسے نہیں ہوتے
Tujhe kya ho gaya nigahein jhuka kar kyun nahi chalta
Madine ke musafir be adab, aise nahi hote
جو بڑھ کر چُوم لیتے ہیں قدم سرکارؐ کے انجؔم
بہت پاکیزہ ہوتے ہیں وہ لب، ایسے نہیں ہوتے
Jo barh kar choom lete hain qadam Sarkar ke Anjam
Bohat pakeeza hote hain wo lab, aise nahi hote
Share This Naat
Share with friends and family
گریزاں ہوں صداقت سے وہ لَب ایسے نہیں ہوتے
انجم نیازی