لکھتا رہوں میں حمدِ خدا نعتِ رسالت
کافی ہے مری فکرِ رسا کو یہ سعادت
Likhta rahun main hamd-e-Khuda naat-e-risalat
Kaafi hai meri fikr-e-rasa ko yeh sa'adat
جس شے کی ہے سرکار سے ادنیٰ سی بھی نسبت
مومن کی نگاہوں میں ہے وہ لائقِ عظمت
Jis shai ki hai Sarkar se adna si bhi nisbat
Momin ki nigahon mein hai woh la'iq-e-azmat
وہ دل بخدا ہو نہیں سکتا دلِ مومن
جس دل میں نہ ہو سرورِ کونین کی عظمت
Woh dil bikhuda ho nahi sakta dil-e-momin
Jis dil mein na ho Sarwar-e-Kownain ki azmat
یہ کیسا پیمبر کی غلامی کا ہے دعویٰ
ہم ترک کیے بیٹھے ہیں سرکار کی سنت
Yeh kaisa paighambar ki ghulami ka hai da'wa
Hum tark kiye baithe hain Sarkar ki sunnat
اللہ کے محبوب کی بعثت کا ہے صدقہ
یہ ارض و سما، لوح و قلم، کرسی و جنت
Allah ke mahboob ki ba'athat ka hai sadqa
Yeh arz o sama, loh o qalam, kursi o jannat
زاہد ترا دل عشقِ رسالت سے ہے خالی
کام آئیں گے عقبیٰ میں نہ تقویٰ نہ عبادت
Zahid tera dil ishq-e-risalat se hai khaali
Kaam aayenge uqba mein na taqwa na ibadat
اپنا ہے یہ ایمان کہ فرمائیں گے آقا
ہم امّتِ عاصی کی سرِ حشر شفاعت
Apna hai yeh iman ke farmaenge aaqa
Hum ummat-e-aasi ki sar-e-Hashar shafa'at
کس منہ سے میں جاؤں گا درِ شاہِ عرب پر
دامن میں نہیں کچھ بھی بجز اشکِ ندامت
Kis munh se main jaunga dar-e-Shah-e-Arab par
Daman mein nahi kuch bhi bajuz ashk-e-nadamat
کچھ پاس رہے یا نہ رہے غم نہیں اس کا
یا رب دمِ آخر رہے ایمان سلامت
Kuch paas rehe ya na rahe gham nahi is ka
Ya Rab dam-e-aakhir rahe iman salamat
خوش بخت ہے احسؔن کہ تو مدّاحِ نبی ہے
بخشی ہے خدا نے تجھے معراجِ سعادت
Khushbakht hai Ahsan ke tu maddah-e-Nabi hai
Bakhshi hai Khuda ne tujhe maeraj-e-sa'adat
Share This Naat
Share with friends and family
لکھتا رہوں میں حمدِ خدا نعتِ رسالت
احسن اعظمی