دامنِ مصطفیٰؐ مرحبا مرحبا
ہے یہی آسرا مرحبا مرحبا
Daaman-e Mustafa (s.a.w) marhaba marhaba
Hai yahi aasra marhaba marhaba
جس کی ضَو نے زمانے کو بخشی ضیا
چہرۂ والضحیٰ مرحبا مرحبا
Jis ki zow ne zamane ko bakshee zia
Chehra-e walduha marhaba marhaba
ظُلمت شب کو جس نے اُجالا دیا
ہے وہ بدر الدُّجیٰ مرحبا مرحبا
Zulmat-e shab ko jis ne ujala diya
Hai woh badrudduja marhaba marhaba
ان کے کردار کے سارے گوشے حَسیں
پیکرِ دلربا مرحبا مرحبا
Un ke kirdar ke sare goshay haseen
Paikar-e dilruba marhaba marhaba
اُن کے اخلاق ہیں عظمتوں کے نشاں
اُن کی جُود و سخا مرحبا مرحبا
Un ke ikhlaq hain azmatoon ke nishan
Un ki jood o sakha marhaba marhaba
علم میں حِلم میں کوئی ثانی نہیں
اُن کا فہم و ذکا مرحبا مرحبا
Ilm mein hilm mein koi sani nahin
Un ka fehm o zaka marhaba marhaba
جن کے اوصاف کی دے گواہی خدا
اُن کا صدق و صفا مرحبا مرحبا
Jin ke ausaaf ki de gawahi khuda
Un ka sidq o safa marhaba marhaba
جن کا اسم گرامی سکوں ہی سکوں
اُن کی ذاتِ عُلیٰ مرحبا مرحبا
Jin ka ism-e grami sukoon hi sukoon
Un ki zaat-e ulya marhaba marhaba
جس پہ نازاں ہے خود آپ ربُ العُلیٰ
ذکرِ خیر الورٰیؐ مرحبا مرحبا
Jis pe nazaan hai khud aap Rab-ul-Ulya
Zikr-e khair-ul-wara (s.a.w) marhaba marhaba
آپؐ کے نام کی رب نے کھائی قسم
اے حبیبِ خداؐ ! مرحبا مرحبا
Aap (s.a.w) ke naam ki Rab ne khai qasam
Ae Habeeb-e Khuda (s.a.w)! marhaba marhaba
ہے جو دروازئہ شہرِ علمِ نبیؐ
وہ علی مرتضیٰؓ مرحبا مرحبا
Hai jo darwaza-e shehr-e ilm-e Nabi (s.a.w)
Woh Ali Murtaza (r.a) marhaba marhaba
روزِ محشر میں ہے بیٹیوں کی اماں
فاطمہؓ کی رِدا مرحبا مرحبا
Roz-e Mahshar mein hai betiyon ki amaan
Fatima (r.a) ki rida marhaba marhaba
سب لُٹا کر نہ ماتھے پہ آئی شکن
اُن کا صبر و رضا مرحبا مرحبا
Sab lutakar na mathe pe aai shikan
Un ka sabr o raza marhaba marhaba
ابنِ حیدر نے اپنے لہو سے لکھی
داستانِ وفا مرحبا مرحبا
Ibn-e Haider ne apne lahoo se likhi
Dastan-e wafa marhaba marhaba
اپنے دامن میں لے کر تِری آل کو
سج گیا کربلا مرحبا مرحبا
Apne daaman mein le kar tiri aal ko
Saj gaya Karbala marhaba marhaba
میں ‘ جلیل ‘ اُن کے قدموں میں جونہی گرا
قدسیوں نے کہا مرحبا مرحبا
Main ‘Jaleel’ un ke qadamoon mein junhi gira
Qudsioun ne kaha marhaba marhaba
Share This Naat
Share with friends and family
دامنِ مصطفیٰؐ مرحبا مرحبا
حافظ عبدالجلیل