ہرکسی کو ہو بقدر ظرف عرفانِ رسول
کون کہہ سکتا ہے کیاہے حدِّ امکان رسولؐ
Harkisi ko ho baqadar zarf-e-irfan-e-Rasool
Kaun keh sakta hai kya hai hadd-e-imkaan Rasoolؐ
سِدرہ تک ہی پَر فشانی کرسکے روحُ الامیں
قاب قوسینِ اَو اَدنیٰ تک ہے جولانِ رسولؐ
Sidrah tak hi par fashaanee kar sake roohul ameen
Qab qusain-e-aw adna tak hai joolaan-e-Rasoolؐ
جتنے پہلے کے صحیفے تھے مُحرَّف ہوچکے
لیکن اَلْاَ نَ کَمَا کَانَ ہے قرآنِ رسولؐ
Jitne pehle ke sahifay thay muharrif ho chuke
Lekin al-aan kamaa kaan hai Qur'an-e-Rasoolؐ
لشکرِ کفار پر جب بھی کرے تیرا افگنی
ربِّ مرسل کابنے پیکان پیکان رسولؐ
Lashkar-e-kuffar par jab bhi kare tera afgani
Rabb-e-Mursal ka bane paikan paikan Rasoolؐ
کی طلبگاری کبھی اس نے نہ جز رزقِ کفاف
ہیں فقط ترک وتوکل سازو سامانِ رسولؐ
Ki talabgaari kabhi us ne na juz rizq-e-kifaf
Hain faqat tark o tawakkul saaz o samaan-e-Rasoolؐ
وقفِ حرماں کر سکیں اس کو نہ آلامِ جہاں
ہو ہویدا جس پہ رمزِ فقر و سلطانِ رسولؐ
Waqf-e-hirman kar sakein us ko na aalaam-e-jahaan
Ho hoyda jis pe ramz-e-faqr o sultan-e-Rasoolؐ
ساکنانِ دہر پربے اختصاصِ خاص و عام
واورِ رحمت ، کشادہ بابِ فیضان رسولؐ
Sakaan-e-dahr par be ikhtisas-e-khaas o aam
Waa war-e-rahmat, kashada baab-e-fayzan Rasoolؐ
پُر تبسم دیدۂ روشن پسِ دیدہ مگر
فکرِ امت سے رہے نم دیدہ ، مژگانِ رسولؐ
Pur tabsum deedah-e-roshan pas-e-deedah magar
Fikr-e-ummat se rahe nam deedah, mizgaan-e-Rasoolؐ
جادۂ سرچشمۂ حیواں منور ان سے ہے
ہیں چراغان شبِ ظلماتِ یاران رسولؐ
Jaadah-e-sarchashma-e-haywaan munawwar un se hai
Hain chiraghan shab-e-zulmaat-e-yaraan Rasoolؐ
یہ نہ تھی قسمت کہ ہم ’’اصحاب ‘‘ میں ہوتے مگر
ہیں بحمداللہ ازانِ خیلِ اخوانِ رسولؐ
Yeh na thi qismat ke hum "As-haab" mein hotay magar
Hain bi hamdullah izaan-e-khail-e-ikhwaan-e-Rasoolؐ
تا ابد آباد ہے وہ میرِ اَقوام و امم
تا قیامِ یومِ دیں ، قائم ہے ایوان رسولؐ
Taa abad aabaad hai woh mir-e-aqwaam o umam
Taa qayam-e-yom-e-deen, qa'im hai aiwaan Rasoolؐ
سر بخم تعظیماً اس کے سامنے سب نعت گو
کون ہے جو ہو سکے ہمتائے حسانؓ رسولؐ
Sar bakham ta'zeeman us ke saamne sab naat go
Kaun hai jo ho sake himtaye Hassaanؓ Rasoolؐ
اس سے بڑھ کر اے مسلمانو!سعادت کون سی؟
ہوں مرے ماں باپ میرے بچے قربان رسولؐ
Us se barh kar aye Muslimano! Sa'adat kaun si?
Hoon mere maan baap mere bachay qurbaan Rasoolؐ
مکرِ نفسِ غول سے محفوظ رکھتا ہے مجھے
انتباہِ مشفقِ چشمِ نگہبانِ رسولؐ
Makr-e-nafs-e-ghool se mehfooz rakhta hai mujhe
Intibah-e-mushfiq-e-chashm-e-nigahbaan-e-Rasoolؐ
من گدائے خوشہ چینِ خرمنِ علمِ نبی
’’من فقیرِ طعم خوار ریزۂ خوانِ رسولؐ ‘‘
Main gadaaye khushah cheen-e-kharman-e-ilm-e-Nabi
"Man faqeer-e-ta'm khwaar reezah-e-khwaan-e-Rasoolؐ"
حق جومداحی کاہے مجھ سے ادا ہوتا نہیں
گو بحدِ استطاعت ہوں ثنا خوانِ رسولؐ
Haq jomadahi ka hai mujh se ada hota nahin
Go ba hadd-e-ista'taat hoon sanaa khwaan-e-Rasoolؐ
میں کہ خالدؔ نامی اک یا وہ سرائے ژاژخا
لکھ سکوں اے کاش حرفِ چند شایان رسولؐ
Main ke Khalidؔ naami ek ya woh saraye zhazhakha
Likh sakoon aye kaash harf-e-chand shayaan Rasoolؐ
بخت یاور ہو تو شاید گاہ میرا بھی شمار
ہوسکے منجملۂ خدّامِ خاصانِ رسولؐ
Bakht yaawar ho tu shayad gaah mera bhi shumaar
Ho sake manjumla-e-khaddam-e-khasaan-e-Rasoolؐ
Share This Naat
Share with friends and family
ہرکسی کو ہو بقدر ظرف عرفانِ رسول
عبدالعزیز خالد