اوہ نوری مکھڑا ویکھاں گا کدوں تیک
خدا جانے میں سہکاں گا کدوں تیک
O noori mukhra vekhaan ga kadon tak
Khuda jaane main sahkan ga kadon tak
نظر ہووے گی کد حالت تے میری
غماں دے وار جھلّاں گا کدوں تیک
Nazar howe gi kad haalat te meri
Ghamaan de waar jhllaan ga kadon tak
منوں روگاں نے کر دتا اے عاجز
ایہہ جُثّہ میں دھریکاں گا کدوں تیک
Mainu roggaan ne kar ditta ae aajiz
Eh jutha main dhrekaan ga kadon tak
کدوں رحمت لوے گی وچ کلاوے
میں اکلاپا ہنڈاواں گا کدوں تیک
Kadon rehmat lowe gi vich klaave
Main iklaapa handaawaan ga kadon tak
ایہہ عزت آبرو جس ناں دے نا ل اے
میں جان اس ناں توں واراں گا کدوں تیک
Eh izzat aabro jis naan de naal ae
Main jaan us naan ton waaran ga kadon tak
اداسی مار ای دیوے نہ ایتھے
نبیؐ دے در تے اپڑاں گا کدوں تیک
Udaasi maar ae dewe na ithe
Nabi (SAW) de dar te appran ga kadon tak
اقامہ لبھے روحانی وطن دا
میں ایہہ ارمان پالاں گا کدوں تیک
Iqaama labhe roohani watan da
Main eh armaan paalaan ga kadon tak
بلاندے نیں ترے سرکارؐ تینوں
سنیھا ایہہ اڈیکا ں گا کدوں تیک
Blanda ne tare Sarkaar (SAW) tenu
Sniha eh oddeekan ga kadon tak
ملے تھاں قبر لئی تائب مدینے
میں اینا پاک ہوواں گا کدوں تیک
Mile thaan qabr layi taib Madine
Main einna paak howaan ga kadon tak
Share This Naat
Share with friends and family
اوہ نوری مکھڑا ویکھاں گا کدوں تیک
حفیظ تائب