نہ فکر مند ہو دامن میں جس کے زر کوئی نئیں
حضور بانٹ رہے ہیں اگر مگر کوئی نئیں
Na fikr mand ho daaman mein jis ke zar koi naeen
Huzoor baant rahe hain agar magar koi naeen
ورا ہیں فہمِ بشر سے مراتبِ سرور
خدا تو مرتبہ داں ہے مگر بشر کوئی نئیں
Wara hain fahm-e-bashar se maratib-e-sarwar
Khuda to martaba daan hai magar bashar koi naeen
ڈرا نہ اس کو حساب و کتاب سے واعظ
غلامِ شافعِ محشر ہے اس کو ڈر کوئی نئیں
Ddara na is ko hisaab o kitaab se waiz
Ghulaam-e-shaafi-e-mahshar hai is ko darr koi naeen
درودِ پاک سے چھاؤں کشید کرتے رہیں
میانِ حشر کڑی دھوپ ہے شجر کوئی نئیں
Darood-e-paak se chaaon kasheed karte rahen
Mayaan-e-hashar kadi dhoop hai shajar koi naeen
ابھی تو خام ہیں کشتِ ثنا میں برگ و شجر
ہماری شاخِ ہنر پر ابھی ثمر کوئی نئیں
Abhi to khaam hain kashat-e-sana mein barg o shajar
Hamaari shaakh-e-hunar par abhi samar koi naeen
اگرچہ کہتے ہیں استادِ فن مجھے لیکن
حضور! نعت کے شایاں مرا ہنر کوئی نئیں
Agarchee kehte hain ustaad-e-fan mujhe lekin
Huzoor! naat ke shaayaan mera hunar koi naeen
مواجہہ پہ مجھے دل کا حال کہنا ہے
سوائے اس کے مرا مقصدِ سفر کوئی نئیں
Muwaajah pe mujhe dil ka haal kehna hai
Sivaye is ke mera maqsad-e-safar koi naeen
حضور! سنگِ درِ نور پر ہی رہنے دیں
غریبِ شہر ہوں سرکار میرا گھر کوئی نئیں
Huzoor! Sang-e-dar-e-noor par hi rehnay dein
Ghareeb-e-shehar hoon sarkaar mera ghar koi naeen
اٹھا کے ہاتھ طلب کر رہا ہوں حرفِ ثنا
سوائے اس کے مرے ہاتھ میں ہنر کوئی نئیں
Utha ke haath talab kar raha hoon harf-e-sana
Sivaye is ke mere haath mein hunar koi naeen
یہی ہے راہِ مدینہ برائے خلدِ بریں
برائے خلد کہیں دوسری ڈگر کوئی نئیں
Yeh hi hai raah-e-Madina baraye khuld-e-bareen
Baraye khuld kaheen doosri dagar koi naeen
Share This Naat
Share with friends and family
نہ فکر مند ہو دامن میں جس کے زر کوئی نئیں
اشفاق احمد غوری