ہُوک اٹھتی ہے جب بھی سینے سے
ربط بڑھتا ہے کچھ مدینے سے
Hooak utt-thi hai jab bhi seenay se
Rabt bart-ta hai kuch Madine se
صرف عشقِ نبی ؐ ہے ایسی شراب
ہوش بڑھتا ہے جس کے پینے سے
Sirf ishq-e-Nabi ﷺ hai aisi sharab
Hosh bart-ta hai jis ke peenay se
بے نیازی اسی کا حصّہِ ہے
بھیک جس کو ملے مدینے سے
Be-niazi isi ka hissa hai
Bheek jis ko milay Madine se
عرش پر ہے دماغ پھولوں کا
پا کے خوشبو ترے پسینے سے
Arsh par hai dimaagh phoolon ka
Pa ke khushboo teray paseene se
ان کی رحمت ہے پاسباں جس کی
کون ٹکرائے اس سفینے سے
Un ki rehmat hai paasbaan jis ki
Kaun takraaye is safeene se
رد دعائیں نہیں ہوا کرتیں ،
ہاں مگر مانگئیے قرینے سے
Radd duaaen nahi hua karti,
Haan magar maangaiye qareenay se
میں خدائے کریم تک پہنچا
نسبتِ مصطفؐےٰ کے زینے سے
Main Khuda-e-Kareem tak pohancha
Nisbat-e-Mustafa ﷺ ke zeenay se
دل غنی ہےتمہاری الفت سے
مطمئن ہوں میں اس خزینے سے
Dil ghani hai tumhari ulfat se
Mutma'in hoon main is khazeene se
ہو نہ عشقِ نبیؐ اگر خالدؔ،
آب چھن جائے آبگینے سے
Ho na ishq-e-Nabi ﷺ agar Khalid,
Aab chhin jaaye aabgeene se
Share This Naat
Share with friends and family
ہُوک اٹھتی ہے جب بھی سینے سے
خالد محمود خالد