قیامت ہے اب انتظارِ مدینہ
الٰہی! دِکھا پھر دیارِ مدینہ
Qayamat hai ab intezar-e-Madina
Ilahi! dikha phir dayar-e-Madina
مِری رُوح آئینہ دارِ مدینہ
مِرے دیدہ و دل نثارِ مدینہ
Meri rooh aaeena dar-e-Madina
Mere deedah o dil nisar-e-Madina
اِسی آرزو میں مِٹا جا رہا ہُوں
مِری خاک ہو ہمکنارِ مدینہ
Isi aarzoo mein mita ja raha hoon
Meri khaak ho humkanar-e-Madina
شفاعت مسلَّم، جو مِل جائے مجھ کو
پئے دفن ، قُرب و جوارِ مدینہ
Shafaat musallam, jo mil jaye mujh ko
Pay dafana , qurb o jawar-e-Madina
سِتم کا نشانہ مِری زندگی ہے
کرم کی نظر شہریارِ مدینہ
Sitam ka nishana meri zindagi hai
Karam ki nazar shehryar-e-Madina
مُعطّر ہوئی جاں ، کِھلا غُنچہ دل
چلی جب نسیمِ بہارِ مدینہ
Mu’attar hui jaan, khila ghuncha dil
Chali jab naseem-e-bahar-e-Madina
یہ دُوری نہیں حدِّ پاسِ ادب ہے
اِدھر مَیں ، اُدھر تاجدارِؐ مدینہ
Yeh doori nahi had-e-pas-e-adab hai
Idhar main, udhar Tajdar-e-Madina
پیا تھا بس اک جام اُس میکدے سے
نہیں ٹوٹتا اب خُمارِ مدینہ
Piyaa tha bas ek jaam us maikade se
Nahi tootta ab khumar-e-Madina
تصّور میں ہے آمد و رفعت شہؐ کی
کھڑا ہُوں سرِ رہگزارِ مدینہ
Tasawwur mein hai aamdo-o-rafaat Shah ki
Khara hoon sar-e-rehguzar-e-Madina
اُسے مِل گئی دین و دُنیا کی دولت
ہُوا دل سے جو خواستگارِ مدینہ
Use mil gayi deen o duniya ki dolat
Hua dil se jo khwastgar-e-Madina
لگا لُوں گا آنکھوں میں سُرمہ سمجھ کر
اگر ہاتھ آئے غبارِ مدینہ
Laga loon ga aankhon mein surma samajh kar
Agar haath aaye ghubar-e-Madina
اُبھرنے کو ہیں سبز گُنبد کے جلوے
ذرا صبر! اے بے قرارِ مدینہ
Ubharne ko hain sabz gunbad ke jalwe
Zara sabr! Ay beqarar-e-Madina
نصیرؔ اپنی کوشش نہیں کام آتی
بُلاتے ہیں خود تاجدارِؐ مدینہ
Naseer apni koshish nahi kaam aati
Bulate hain khud Tajdar-e-Madina
Share This Naat
Share with friends and family
قیامت ہے اب انتظارِ مدینہ
سید نصیرالدیں نصیر