تیرے غم میں جو نہ گزرے بیکار زندگی ہے
تجھے یاد کرتے رہنا یہی جان بندگی ہے
Tere gham mein jo na guzre bekar zindagi hai
Tujhe yaad karte rehna yehi jaan bandagi hai
اے مرے کریم مجھ پر بھی کرم نوازیاں ہوں
کہ ترے کرم کا چرچا گھر گھر گلی گلی ہے
Ae mere Kareem mujh par bhi karam nawaziyan hon
Ke tere karam ka charcha ghar ghar gali gali hai
عرب و عجم کے والی میں نہ جاؤں در سے خالی
ترے در پہ جو بھی آیا اُسے ہر خوشی ملی ہے
Arab o Ajam ke wali mein na jaoon dar se khaali
Tere dar pe jo bhi aaya use har khushi mili hai
تیرے رخ پر کیا سجے ہیں یہ تجلیوں کے سہرے
جو ہے رونق دو عالم ترا حسن سرمدی ہے
Tere rukh par kya saje hain ye tajalliyon ke sehray
Jo hai ronak do aalam tera husn sarmadi hai
میری زندگی کے مالک ترے نام پر بکا ہوں
اسی بات پر ہوں نازاں اس بات کی خوشی ہے
Meri zindagi ke maalik tere naam par baka hoon
Isi baat par hoon naazan is baat ki khushi hai
شب غم کے گیسوؤں نے مجھ پر کیا تھا سایا
ترا نام لب پہ آیا میری شام غم ڈھلی ہے
Shab e gham ke gesuon ne mujh par kya tha saya
Tera naam lab pe aaya meri shaam e gham dhali hai
Share This Naat
Share with friends and family
تیرے غم میں جو نہ گزرے بیکار زندگی ہے
عبدالستار نیازی