انگلی کا اشارہ ملتے ہی یک لخت قمر دو لخت ہوا
مختارِ جہاں نے جو چاہا ہر کام ہوا بر وقت ہوا
Ungli ka ishara milte hi yak laakhth qamar do laakhth hua
Mukhtaar-e-jahaan ne jo chaaha har kaam hua bar waqt hua
عود و عنبر بھی کاسہ بکف سلطانِ زمن کی چوکھٹ پر
جس راہ سے گزرے آپ وہاں پہروں خوشبو کا گشت ہوا
Aood o anbar bhi kaasa ba kaf sultan-e-zaman ki chaukhat par
Jis raah se guzray aap wahan pehron khushbu ka gasht hua
ماں کی آغوش میں جس لمحے گونجی تھی اذاں پہلی پہلی
دل کے کاغذ پر اس لمحے سے نامِ محمد ثبت ہوا
Maan ki aaghhoush mein jis lamhay gonji thi azaan pehli pehli
Dil ke kaaghz par us lamhay se naam-e-Muhammad sabth hua
اک پل بھی نظامِ روئے زمیں آقا کے بغیر نہ چل پایا
معراج کی شب معراج کا پل واللہ زمیں پر سخت ہوا
Ek pal bhi nizaam-e-roye zameen aqa ke baghair na chal paya
Mairaj ki shab mairaj ka pal wallah zameen par sakht hua
صبحِ صادق تھی جلوہ فگن بارہ تھی ربیعِ اول کی
ظلمت کو ملا حکمِ رخصت پرُ نور عرب کا دشت ہوا
Subah-e-sadiq thi jalwah fagan barah thi Rabi-ul-Awwal ki
Zulmat ko mila hukum-e-rukhsat pur noor Arab ka dasht hua
وہ بھوک نہیں تربیت تھی کیسے کرنی ہے فاقہ کشی
جو آپ نے پیٹ پہ باندھا تھا وہ پتھر تھا، خوش بخت ہوا
Woh bhook nahi tarbiyat thi kaise karni hai faaqa kashi
Jo aap ne peeth pe baandha tha woh pathar tha, khush bakht hua
سئیات کی گٹھڑی کاندھے پر حسنات کی پونجی کچھ بھی نہیں
عقبیٰ کا سفر مشکل تھا مگر مدحت کا حوالہ رخت ہوا
Sayyat ki ghathri kandhay par hasnaat ki poonji kuch bhi nahi
Aqba ka safar mushkil tha magar mad'ahat ka hawala rakht hua
Share This Naat
Share with friends and family
انگلی کا اشارہ ملتے ہی یک لخت قمر دو لخت ہوا
اشفاق احمد غوری