اَب تو مَیں کچھ بھی نہیں اشکِ ندامت کے سوا
اَب کہاں جاوں گا مَیں دامانِ رحمت کے سوا
Ab to main kuch bhi nahi ashk-e-nadamat ke siwa
Ab kahan jaon ga main daaman-e-rehmat ke siwa
ختم جو ہوتا ہے جا کر منزلِ محمُود پر
کون سا ہے راستہ قُرآن و سُنّت کے سوا
Khatm jo hota hai ja kar manzil-e-mahmood par
Kaun sa hai rasta Quran o Sunnat ke siwa
محفلِ دُنیا کی جو تزئین فرمائی گئی
حق کو کیا منظُور تھا اُن کی صدارت کے سوا
Mahfil-e-duniya ki jo tazeen farmai gai
Haq ko kya manzoor tha unki sadarat ke siwa
وہ جو آئے ہیں تو ساتھ آئی ہیں ساری رونقیں
ورنہ صحرائے عدم میں کیا تھا وحدت کے سوا
Wo jo aaye hain to saath aai hain saari raunaqain
Warna sehra-e-adam mein kya tha wahdat ke siwa
وہ محبّت ہی محبّت ہیں محبّت کی قسم
اَب مُجھے کیا چاہیے اُن کی محبّت کے سوا
Wo mohabbat hi mohabbat hain mohabbat ki qasam
Ab mujhe kya chahiye unki mohabbat ke siwa
اور ہو سکتا ہے کیا مقصد مری تخلیق کا
اُن کی اُلفت کے سوا اُن کی اطاعت کے سوا
Aur ho sakta hai kya maqsad meri takhleeq ka
Unki ulfat ke siwa unki ita'at ke siwa
اُس تجلّی گاہ سے جس کا مدینہ نام ہے
اور کیا مِلتا مری آنکھوں کو حیرت کے سوا
Us tajalli gaah se jis ka Madinah naam hai
Aur kya milta meri aankhon ko hairat ke siwa
تُو نے دیکھا میرے دِل کو اے نسیمِ گُل طراز
میرے ویرانے میں کیا ہے داغِ حسرت کے سوا
Tu ne dekha mere dil ko ae naseem-e-gul taraz
Mere verane mein kya hai daagh-e-hasrat ke siwa
اے فرشتو کیُوں مِری فردِ عمل کا احتساب ؟
اِس میں کیا لِکّھا ہے آنحضرتؐ کی مدحت کے سوا ؟
Ae farishto kyon meri fard-e-amal ka ahtesab?
Is mein kya likha hai Anhazrat ﷺ ki madah ke siwa?
پُوچھتے ہیں لوگ عاصؔی کیا تمنّا دل میں ہے
کیا تمنّا ہو مدینے کی زیارت کے سوا
Poochte hain log Aasi kya tamanna dil mein hai
Kya tamanna ho Madine ki ziarat ke siwa
Share This Naat
Share with friends and family
اَب تو مَیں کچھ بھی نہیں اشکِ ندامت کے سوا
عاصی کرنالی