یہ مانا مرے پاس دولت نہیں ہے
گدا اُن کے در کا ہوں ، حاجت نہیں ہے
Yeh mana mere pas dolat nahi hai
Gada un ke dar ka hoon, haajat nahi hai
مُحبِ نبی ہے ، کسی اور کی پھر
’’محبت کی تجھ کو ضرورت نہیں ہے‘‘
Muhib-e-Nabi hai, kisi aur ki phir
"Mahabbat ki tujh ko zarurat nahi hai"
وہ گھر ہیں زمانے میں رونق سے خالی
ترے نام کی جن میں برکت نہیں ہے
Wo ghar hain zamane mein raunaq se khaali
Tere naam ki jin mein barkat nahi hai
درِ مصطفٰے سے پلٹنے سے بڑھ کر
خدا جانتا ہے قیامت نہیں ہے
Dar-e-Mustafa se palatne se barh kar
Khuda jaanta hai qayamat nahi hai
فقط آپ ہی خاتم الانبیا ہیں
کہ بعد آپ کے پھر نبوّت نہیں ہے
Fakat aap hi Khatam-ul-Anbiya hain
Ke baad aap ke phir nabuwat nahi hai
میں ہوں اُن کے در کی غلامی پہ نازاں
کہ مجھ سا کوئی اہلِ ثروت نہیں ہے
Main hoon un ke dar ki ghulami pe naazaan
Ke mujh sa koi ahl-e-sarwat nahi hai
خوشا ! اُمّتی ہوں میں شاہِ دنیٰ کا
جلیل اِس سے بڑھ کر تو عزت نہیں ہے
Khush a! Ummati hoon main Shah-e-Dana ka
Jaleel is se barh kar to izzat nahi hai
Share This Naat
Share with friends and family
یہ مانا مرے پاس دولت نہیں ہے
حافظ عبدالجلیل