کس کی آنکھیں کس کی ہے ایسی جبیں یا رحمت اللعالمیں
آپ کا چہرہ ہے یا عرشِ بریں یا رحمت اللعالمیں
Kis ki aankhen kis ki hai aisi jabeen ya rehmat allilalmeen
Aap ka chehra hai ya arsh-e-bareen ya rehmat allilalmeen
نوری و ناری و خاکی آپ کے در کے غلام
آپ کا نوکر ہے جبریلِؑ امیں یا رحمت اللعالمیں
Noori o naari o khaaki aap ke dar ke ghulaam
Aap ka naukar hai Jabreel-e-ameen ya rehmat allilalmeen
یہ تبسم ، یہ ترحّم ، یہ تکلّم ، یہ تحمل آپ میں
کون سی دل کھینچتی خوبی نہیں یا رحمت اللعالمیں
Yeh tabassum, yeh tarahhum, yeh takallum, yeh tahhammul aap mein
Kaun si dil kheenchti khoobi nahi ya rehmat allilalmeen
آپ کے آگے ادب سے ہیں خمیدہ جانے کب سے آسماں
آپ کے قدموں میں سورج کی جبیں یا رحمت اللعالمیں
Aap ke aage adab se hain khameeda jaane kab se aasman
Aap ke qadmon mein sooraj ki jabeen ya rehmat allilalmeen
کرنے آتے ہیں عقیدت سے فرشتے آپ کے گھر کا طواف
آپ کا گھر ہے کہ جنت کی زمیں یا رحمت اللعالمیں
Karne aate hain aqeedat se farishte aap ke ghar ka tawaaf
Aap ka ghar hai ke jannat ki zameen ya rehmat allilalmeen
آپ کو یوسف نے دیکھا جب شب معراج تو اس پر کھلا
کون ہے کتنا مکمل کون ہے کتنا حسیں یا رحمت اللعالمیں
Aap ko Yusuf ne dekha jab shab-e-me'raaj to is par khula
Kaun hai kitna mukammal kaun hai kitna haseen ya rehmat allilalmeen
ساری دنیا کی شفاعت کے لیے نظریں جمی ہیں آپ پر
گنبد خضرا کے مالک اور مکیں یا رحمت اللعالمیں
Saari duniya ki shifaat ke liye nazrein jami hain aap par
Gunbad khizra ke maalik aur makeen ya rehmat allilalmeen
مرحبا اے مرکزِ مہر و وفا ! اے صاحب خُلقِ عظیم
آپ کا قد ہے مگر سایہ نہیں یا رحمت اللعالمیں
Marhaba ae markaz-e-mehr o wafa ! Ae saahib-e-khuloq-e-azeem
Aap ka qad hai magar saaya nahi ya rehmat allilalmeen
اپنے اس مجذوب انجؔم پر بھی ہوں نظر کرم کی بارشیں
یہ بھٹکتا ہی نہ رہ جائے کہیں یا رحمت اللعالمیں
Apne is majzoob Anjam par bhi hoon nazar karam ki baarishe
Yeh bhatkta hi na reh jaaye kahin ya rehmat allilalmeen
Share This Naat
Share with friends and family
کس کی آنکھیں کس کی ہے ایسی جبیں یا رحمت اللعالمیں
انجم نیازی