چمکتی ہے میری جبیں تیرے غم سے
کوئی غم نہیں ہے حسیں تیرے غم سے
Chamakti hai meri jabeen tere gham se
Koi gham nahin hai haseen tere gham se
یہ وسعت کہاں اس کی آب و ہوا میں
بہت کم ہے خُلدِ بریں تیرے غم سے
Yeh wusat kahan is ki aab-o-hawa mein
Buhat kam hai khuld-e-bareen tere gham se
یہی ہے خدا کو بھی منظور شاید
تڑپتا رہوں میں یہیں تیرے غم سے
Yahi hai Khuda ko bhi manzoor shayad
Tadapta rahun mein yahin tere gham se
بگڑتی چلی جاتی ہے دل کی حالت
پگھل ہی نہ جائے کہیں تیرے غم سے
Bigadti chali jaati hai dil ki haalat
Pighal hi na jaaye kahin tere gham se
اُسے کیا خبر اِس میں لذّت ہے کتنی
جو انسان واقف نہیں تیرے غم سے
Use kya khabar is mein lazat hai kitni
Jo insaan waqif nahin tere gham se
چراغوں کی صورت چمکنے لگی ہے
مرے چار جانب زمیں تیرے غم سے
Charaghon ki soorat chamakne lagi hai
Mere chaar janib zameen tere gham se
لگے چوٹ تو اور بڑھتا ہے ایماں
نکھرتا ہے میرا یقیں تیرے غم سے
Lage chot to aur barhta hai eemaan
Nikharta hai mera yaqeen tere gham se
خدا اِن کو رکھے ہمیشہ سلامت
وہ شمعیں جو روشن ہوئیں تیرے غم سے
Khuda in ko rakhe hamesha salamat
Wo shamain jo roshan huein tere gham se
اچانک برسنے لگیں میری آنکھیں
کوئی تار ٹُوٹا کہیں تیرے غم سے
Achanak barasne lagin meri aankhein
Koi taar toota kahin tere gham se
Share This Naat
Share with friends and family
چمکتی ہے میری جبیں تیرے غم سے
انجم نیازی