مریضِ مصطفیٰ ؐ کے سامنے کس کا ہُنر ٹھہرا
نہ کوئی چارہ کام آیا، نہ کوئی چارہ گر ٹھہرا
Mareez-e Mustafa ﷺ ke samnay kis ka hunar thehra
Na koi chara kaam aaya, na koi chara gar thehra
مِری قسمت میں بھی کیا کیا نہ کارِ معتبر ٹھہرا
مدینے کی طلب ٹھہری، مدینے کا سفر ٹھہرا
Meri kismet mein bhi kya kya na kaar-e mo'tabar thehra
Madine ki talab thehri, Madine ka safar thehra
دیارِ شاہِؐ بطحا خیر سے ہے آخری منزل
ہماری زندگی کا قافلہ کب در بدر ٹھہرا
Dayar-e Shah-e ﷺ Batah khair se hai aakhri manzil
Hamari zindagi ka qafla kab dar badar thehra
ضرورت کیا طبیبانِ جہاں کی میری بالیں پر
خیال ِمصطفیٰ ؐ جب میرے حق میں چارہ گر ٹھہرا
Zarurat kya tabeeban-e jahan ki meri baleen par
Khyal-e Mustafa ﷺ jab mere haq mein chara gar thehra
زہے قسمت کہ ہر ذرّہ نظر آتا ہے نورانی
خوشا وہ شہر، جو محبوبِ حق کا سنگِ در ٹھہرا
Zahe kismet ke har zarra nazar aata hai noorani
Khusha wo shehar, jo mahboob-e Haq ka sang-e dar thehra
گِرا جو دیدۂ بے تاب سے راہِ مدینہ میں
وہی آنسو مسافر کا چراغِ رہگزر ٹھہرا
Gira jo deeda-e be-taab se raah-e Madina mein
Wohi aansu musafir ka charagh-e rehguzar thehra
کلامُ اللہ کی تفسیر یا ذکرِ نبیؐ لب پر
ہمارا شغل دنیا میں یہی شام و سحر ٹھہرا
Kalamullah ki tafseer ya zikr-e Nabi ﷺ lab par
Hamara shugl duniya mein yahi shaam o seher thehra
سمٹ کر آگئیں ساری بہاریں دونوں عالَم کی
دیارِ سرورِؐ کونین، فردوسِ نظر ٹھہرا
Simat kar aagayin saari baharain dono aalam ki
Dayar-e Sarwar-e ﷺ kounain, firdos-e nazar thehra
ہوئی الفت رسول ؐ اللہ کی جس ذوق کا حاصل
جہانِ آب و گُل میں بس وہ ذوقِ معتبر ٹھہرا
Hui ulfat Rasool ﷺ Allah ki jis zouq ka hasil
Jahan-e aab o gul mein bas wo zouq-e mo'tabar thehra
نصیرؔ اُڑ کر نہ پہنچا جو مدینے کی فضاؤں تک
وہی باغِ جہاں میں طائرِ بے بال و پر ٹھہرا
Naseer urkar na pouhancha jo Madine ki fazaon tak
Wohi bagh-e jahan mein tair-e be baal o par thehra
Share This Naat
Share with friends and family
مریضِ مصطفیٰ ؐ کے سامنے کس کا ہُنر ٹھہرا
سید نصیرالدیں نصیر