یُوں رن کے درمیاں پسرِ مرتضٰی چلے
جیسے ہجوم کفر میں نورِ خدا چلے
Yun ran ke darmiyan pasr-e-Murtaza chale
Jaise hajjom-e-kufr mein Noor-e-Khuda chale
مقتل میں سر کٹانے کو اہلِ رضا چلے
پیماں شبِ الست کا کرنے وفا چلے
Maqtal mein sar katane ko Ahl-e-Raza chale
Paiman Shab-e-Alast ka karne wafa chale
بولے حسین ہو نہ سکے گا وہ مندمل
اصغر جو زخم تم مرے دل پر لگا چلے
Bole Hussain ho na sake ga wo mandmil
Asghar jo zakham tum mere dil par laga chale
ہستی بقدرِ فرصت رقصِ شرر ملی
تم اِس سرائے فانی میں کیا آئے کیا چلے
Hasti baqadr-e-fursat raqs-e-sharar mili
Tum is Saraaye fani mein kya aaye kya chale
گزرا گراں ذرا نہ کڑی دھوپ کا سفر
شبّیر زیرِ سایہء فضلِ خدا چلے
Guzra garan zara na kadi dhoop ka safar
Shabbir zair-e-saya-e-fazl-e-Khuda chale
زہرا کے لاڈلوں کو دُعا دے تُو کربلا
تُو کیا تھی اور وہ تجھے کیا کیا بنا چلے
Zahra ke laadlon ko dua de tu Karbala
Tu kya thi aur wo tujhe kya kya bana chale
اُن منزلوں کو سر کیا آخر حسین نے
جن منزلوں کو عزم لیے انبیا چلے
Un manzilon ko sar kiya aakhir Hussain ne
Jin manzilon ko azm liye Anbia chale
ہے مرقدِ سکینہ ادب گاہِ کائنات
بے باک اِس قدر نہ یہاں پر صبا چلے
Hai marqad-e-Sakina adab gaah-e-kainaat
Bebak is qadr na yahan par saba chale
شبّیرؓ ہے وہ تاجورِ کشورِ عطا
جس کی گلی میں شاہ بھی بن کر گدا چلے
Shabbir hai wo tajwar-e-kishwar-e-ata
Jis ki gali mein Shah bhi ban kar ghadha chale
ابن علی کی مثل نہ دیکھا کوئی سخی
آئی جو حق پہ آنچ تو کنبہ لُٹا چلے
Ibn-e-Ali ki misl na dekha koi sakhi
Aayi jo haq pe aanch to kunba luta chale
احسان کوئی مانے نہ مانے حسین کا
سر پیش کر دیا مگر اُمّت بچا چلے
Ehsaan koi mane na mane Hussain ka
Sar paish kar diya magar ummat bacha chale
جی بھر کے رو سکے نہ ترے غم میں اے حسین
ہم بد نصیب دہر میں کیا آئے کیا چلے
Ji bhar ke ro sake na tere gham mein ae Hussain
Hum bad naseeb dahr mein kya aaye kya chale
سُننے کو سیّدوں کے مصائب کا تذکرہ
اصحابِ درد جانبِ بزمِ عزا چلے
Sunne ko sayyidon ke masaeb ka tazkira
As'hab-e-dard janib-e-bazm-e-aza chale
دکھلا کے خواب میں رُخِ پُر نور کی جھلک
وہ میرے غمکدے کا مقدّر جگا چلے
Dikhla ke khawab mein rukh-e-pur Noor ki jhalak
Wo mere ghamkade ka muqaddar jaga chale
کُھلتا نہیں حسین و حسن ہیں کہ مصطفےٰؐ
کچھ فرق ہو نصیؔر تو کوئی پتا چلے
Khulta nahi Hussain o Hasan hain ke Mustafa
Kuch farq ho Naseer to koi pata chale
Share This Naat
Share with friends and family
یُوں رن کے درمیاں پسرِ مرتضٰی چلے
سید نصیرالدیں نصیر