دین و دنیا کی قیادت آپؐ کو بخشی گئی
زندگی افروز دعوت آپؐ کو بخشی گئی
Deen o dunya ki qiadat Aapؐ ko bakhshi gayi
Zindagi afroz dawat Aapؐ ko bakhshi gayi
جس سے پائیں گی ہدایت تا ابد اقوامِ دہر
ایسی بے پایاں رسالت آپؐ کو بخشی گئی
Jis se paein gi hidayat taa abad aqwam e dahr
Aisi be payaan risalat Aapؐ ko bakhshi gayi
اولّیت کا شرف بخشا گیا تخلیق میں
عزتِ ختمِ نبوت آپؐ کو بخشی گئی
Awal-layat ka sharaf bakhsha gaya takhleeq mein
Izzat e khatam e nabuwat Aapؐ ko bakhshi gayi
زندگی کو کردیا جس نے لطافت آشنا
سادگی میں وہ نفاست آپؐ کو بخشی گئی
Zindagi ko kardia jis ne lataafat aashna
Saadgi mein woh nafaasat Aapؐ ko bakhshi gayi
مسکراہٹ سے کھل اٹھتے تھے در و دیوار بھی
ایسی جاں افروز صورت آپؐ کو بخشی گئی
Muskuraahat se khil uthte the dar o deewar bhi
Aisi jaan afroz soorat Aapؐ ko bakhshi gayi
زیست کا ہر شعبہ جس سے نور پائے گا سدا
وہ سراپا حُسن ، سیرت آپؐ کو بخشی گئی
Zeest ka har shoba jis se noor paega sada
Woh sarapa husn, seerat Aapؐ ko bakhshi gayi
جو پہنچتی ہی رہے گی سب عوالم تک مدام
ایسی لا محدود رحمت آپؐ کو بخشی گئی
Jo pohanchti hi rahe gi sab awalim tak madaam
Aisi la mehdood rehmat Aapؐ ko bakhshi gayi
آپؐ کا ہر لفظ ہے معجز نما و دلکشا
کچھ عجب روحِ بلاغت آپؐ کو بخشی گئی
Aapؐ ka har lafz hai muajiz numa o dilkasha
Kuch ajab rooh e balaaghat Aapؐ ko bakhshi gayi
وصف سب پیغمبروں کے آپؐ میں یکجا ہوئے
سب رسولوں کی امامت آپؐ کو بخشی گئی
Wasf sab paighambaron ke Aapؐ mein yakja huye
Sab rusulon ki imaamat Aapؐ ko bakhshi gayi
ہوتے مرعوب اک مہینے کی مسافت سے عدو
قدرتی شانِ جلالت آپؐ کو بخشی گئی
Hote mar'oob ek maheene ki masafat se adoo
Qudrati shaan e jalaalat Aapؐ ko bakhshi gayi
آپؐ ہی کے فیض سے ساری زمیں ہے سجدہ گاہ
ایسی عالمگیر وسعت آپؐ کو بخشی گئی
Aapؐ hi ke faiz se saari zameen hai sajda gaah
Aisi aalamgir wus'at Aapؐ ko bakhshi gayi
ہر گھڑی ایقانِ حضرتؐ کا بھرم رکھا گیا
ہر قدم پر فتح و نصرت آپؐ کو بخشی گئی
Har ghari eyqaan e hazratؐ ka bharam rakha gaya
Har qadam par fat'h o nusrat Aapؐ ko bakhshi gayi
ہوگیا مالِ غنیمت آپؐ کی خاطر حلال
فقر میں ہر ایک نعمت آپؐ کو بخشی گئی
Hogaya maal e ghaneemat Aapؐ ki khaatir halaal
Faqr mein har ek naimat Aapؐ ko bakhshi gayi
شرمساری سے بچا لیتی تھی جو مجرم کو بھی
چشم بوشی کی وہ عادت آپؐ کو بخشی گئی
Sharmasaari se bacha leti thi jo mujrim ko bhi
Chashm boshi ki woh aadat Aapؐ ko bakhshi gayi
منحصر عصیاں شعاروں کی ہے جس پر مغفرت
ایسی توفیقِ شفاعت آپؐ کو بخشی گئی
Munhasir isyaan shaaron ki hai jis par maghfirat
Aisi tofeeq e shifaa'at Aapؐ ko bakhshi gayi
اپنی امّت کے لیے ہوں گے نہ کیوں وہ فکر مند
جب خدائی کی محبت آپؐ کو بخشی گئی
Apni ummat ke liye honge na kyun woh fikrmand
Jab khudai ki mohabbat Aapؐ ko bakhshi gayi
بعدِ محشر بھی نہ آئے گا جسے تائب زوال
ایسی شانِ بے نہایت آپؐ کو بخشی گئی
Ba'ad e mahshar bhi na aaye ga jise taaib zawal
Aisi shaan e be nihayat Aapؐ ko bakhshi gayi
Share This Naat
Share with friends and family
دین و دنیا کی قیادت آپؐ کو بخشی گئی
حفیظ تائب