گو روضہء اقدس کی طلبگار ہیں آنکھیں
سچ پوچھو تو خود راہ کی دیوار ہیں آنکھیں
Go roza-e-aqdas ki talabgar hain aankhen
Sach poocho to khud raah ki deewaar hain aankhen
اللہ رے یہ جراءت ِ بیتاب نگاہی
بے نُور ہیں اور طالبِ دیدار ہیں آنکھیں
Allah re yeh jur'at-e-betab nigahi
Be-noor hain aur talab-e-deedar hain aankhen
یہ بات میں کن لفظوں میں سمجھاؤں کسی کو
اب خواب کے عالم میں بھی بیزار ہیں آنکھیں
Yeh baat main kin lafzon mein samjhaon kisi ko
Ab khwab ke aalam mein bhi bezar hain aankhen
ہر رات چلی جاتی ہیں چپکے سے مدینے
مجھ سے بھی چھپاتی ہیں ‘ پر اسرار ہیں آنکھیں
Har raat chali jati hain chupke se Madine
Mujh se bhi chhupati hain 'par asrar hain aankhen
یہ سجدے بھی کر لیتی ہیں جب چاہے یہیں سے
دیوانی ہیں لیکن بڑی ہشیار ہیں آنکھیں
Yeh sajde bhi kar leti hain jab chahe yahin se
Deewani hain lekin badi hoshiyar hain aankhen
جس شہر میں بک جاتے ہیں خود جا کے خریدار
اس شہر میں آوارہء بازار ہیں آنکھیں
Jis shehar mein bik jate hain khud ja ke khareedar
Us shehar mein awara-e-bazar hain aankhen
یہ نرگس شہلا ہیں گلستانِ حرم کی
یہ کس نے کہا نرگسِ بیمار ہیں آنکھیں
Yeh nargis shehla hain gulistan-e-haram ki
Yeh kis ne kaha nargis-e-bimar hain aankhen
طیبہ نظر آجائے تو یہ طاق حرم ہیں
طیبہ سے ہوں محروم تو بیکار ہیں آنکھیں
Tayba nazar aajaye to yeh taaq-e-haram hain
Tayba se hoon mehroom to bekar hain aankhen
جو نازشِ گنجینہء کونین ہے اقبؔال
اس گوہرِ یکتا کی خریدار ہیں آنکھیں
Jo nazish-e-ganjeena-e-konain hai Iqbal
Is gohar-e-yaktaa ki khareedaar hain aankhen
Share This Naat
Share with friends and family
گو روضہء اقدس کی طلبگار ہیں آنکھیں
پروفیسراقبال عظیم