انتہاؤں کے سفر کی روشنی ہیں مصطفےؐ
زندگی کے بعد کی بھی زندگی ہیں مصطفےؐ
Antahaa'on ke safar ki roshni hain Mustafa ﷺ
Zindagi ke baad ki bhi zindagi hain Mustafa ﷺ
آپ ہی کا نام آدم کے لیے پہلی خبر
آخرت کی اطلاعِ آخری ہیں مصطفےؐ
Aap hi ka naam Aadam ke liye pehli khabar
Aakhirat ki ittila'e aakhri hain Mustafa ﷺ
آیت آیت آپ کے کردار کی تصویر ہے
ہم جسے قرآن کہتے ہیں وہی ہیں مصطفےؐ
Aayat aayat aap ke kirdaar ki tasveer hai
Hum jise Quran kehte hain wahi hain Mustafa ﷺ
عرش اعظم پر نمازِ وصل ادا کی آپ نے
صرف ربِ دو جہاں کے مقتدی ہیں مصطفے ؐ
Arsh e Aazam par namaaz e wasl ada ki aap ne
Sirf Rab e do jahan ke muqtadi hain Mustafa ﷺ
وسعتِ افلاک کی چادر بچھا کر دیکھ لو
دیکھنا چاہو اگر کتنے سخی ہیں مصطفےؐ
Wus'at e aflaak ki chaadar bichha kar dekh lo
Dekhna chaho agar kitne sakhi hain Mustafa ﷺ
دوں انہیں آواز تو آواز بن جائے چراغ
جس کے بندے ہیں اسی کا نور بھی ہیں مصطفےؐ
Doon unhein awaaz tou awaaz ban jaaye charaagh
Jis ke bande hain usi ka noor bhi hain Mustafa ﷺ
ان کے سورج ان کے تارے ڈوبنے والے نہیں
مشرقوں سے مغربوں سے قیمتی ہیں مصطفےؐ
Un ke sooraj un ke tare doobne waale nahi
Mashriqon se maghribon se qeemti hain Mustafa ﷺ
کوثر و تسنیم ناکافی ہیں میرے واسطے
میرے اندر کی مظفر ، تشنگی ہیں مصطفےؐ
Kausar o Tasneem naakaafi hain mere wastay
Mere andar ki Muzaffar, tishnagi hain Mustafa ﷺ
Share This Naat
Share with friends and family
انتہاؤں کے سفر کی روشنی ہیں
مظفر وارثی