ہر کڑے وقت میں لب پہ یہی نام آئے گا
میرے آقاؐ کا وسیلہ مرے کام آئے گا
Har kaday waqt mein lab pe yehii naam aaye ga
Mere Aqa ka waseela mere kaam aaye ga
ہم جو بھیجیں گے درود اور سلام آقاؐ پر
درِ اکرام سے بدلے میں سلام آئے گا
Hum jo bhejengay darood aur salaam Aqa par
Dar-e-ikraam se badlay mein salaam aaye ga
تھام لے گی اُسے سرکارؐ کی رحمت بڑھ کر
مرے آقاؐ کے جو قدموں میں غلام آئے گا
Thaam le gi use Sarkaar ki rehmat barh kar
Mere Aqa ke jo qadamoun mein ghulaam aaye ga
یہ تصور ہی معطر کیے رکھتا ہے مجھے
’’درِ آقاؐ پہ چلے آئو‘‘ پیام آئے گا
Ye tasawwur hii mu'atar kiye rakhta hai mujhe
''Dar-e-Aqa pe chale aao'' payaam aaye ga
ظلمتِ دہر روانہ ہے فنا کی جانب
سرورِ دیں کے غلاموں کا نظام آئے گا
Zulmat-e-dehr rawana hai fana ki janib
Sarwar-e-deen ke ghulaamoun ka nizaam aaye ga
پہلے عظمت مرے آقاؐ کی بسا لو دل میں
پھر سمجھ میں تمہیں اُس رب کا کلام آئے گا
Pehle azmat mere Aqa ki basa lo dil mein
Phir samajh mein tumhein us Rabb ka kalaam aaye ga
خاکِ بطحا کو مرے اشک سلامی دیں گے
سوچتا رہتا ہوں کب ایسا مقام آئے گا
Khaak-e-Bat`ha ko mere ashk salaami denge
Sochta rehta hoon kab aisa maqaam aaye ga
سیرتِ شاہِ عرب پڑھ کے ذرا دیکھ شکیلؔ
پختہ ہو گا ترا کردار دوام آئے گا
Seerat-e-Shah-e-Arab parh ke zara dekh Shakeel
Pukhta ho ga tera kirdar dawaam aaye ga
Share This Naat
Share with friends and family
ہر کڑے وقت میں لب پہ یہی نام آئے گا
محمد شکیل نقشبندی