جس کا دل منبعِ حُبِ شہِ والا ہوگا
اس کی ہستی میں اجالا ہی اجالا ہوگا
Jis ka dil manba-e-hub-e-sheh-e-wala hoga
Us ki hasti mein ujala hi ujala hoga
حُبَّ سرکار کا دعویٰ ترا ہوگا صادق
تو عمل سے بھی اگر چاہنے والا ہوگا
Hub-e-sarkar ka daawa tera hoga sadiq
To amal se bhi agar chahne wala hoga
حشر میں ہوگا وہ حقدارِ شفاعت جس نے
خود کو ایمان کی تنویر میں ڈھالا ہوگا
Hashr mein hoga wo haqdar-e-shafa'at jis ne
Khud ko iman ki tanveer mein dhala hoga
نام سنتے ہی نبیؐ کا جو پڑھے ان پہ درود
بس وہی شخص غلامِ شہِ والا ہوگا
Naam sunte hi Nabi ka jo pade un pe darood
Bas wohi shakhs ghulam-e-sheh-e-wala hoga
جو ہے شیدائے نبیؐ رزق نہ ڈھونڈے گا حرام
اس کے حلقوم میں جائز ہی نوالہ ہوگا
Jo hai sheeda-e-Nabi rizq na dhoondega haraam
Us ke halqoom mein jaiz hi niwala hoga
عاصیوں کے لیے محشر میں برائے سایہ
میرے سرکار کی رحمت کا دو شالہ ہوگا
Asiyon ke liye Mahshar mein baraye saya
Mere sarkar ki rehmat ka do shala hoga
رحمتیں روز برستی ہیں جہاں صبح و مسا
میرے آقاؐ کا وہ در کتنا نرالا ہوگا
Rehmatien roz barasti hain jahan subh o masa
Mere Aqa ka wo dar kitna nirala hoga
جس کے پرتو ہیں مہ و مہر و نجومِ عرشی
جلوہ گر مکے میں وہ نور کا ہالہ ہوگا
Jis ke partaw hain meh o mehr o nujoom-e-arshi
Jalwa gar Makke mein wo noor ka hala hoga
بخش دیں آقاؐ اگر در کی گدائی کا شرف
بخت احسنؔ کا بھی پھر عرش سے اعلیٰ ہوگا
Bakhsh dein Aqa agar dar ki gadaai ka sharaf
Bakht Ahsen ka bhi phir arsh se a'la hoga
Share This Naat
Share with friends and family
جس کا دل منبعِ حُبِ شہِ والا ہوگا
احسن اعظمی