وہ کرم بھی کیا کرم ہے وہ عطا بھی کیا عطا ہے
جو گدا کو ڈھونڈتی ہے وہ سخا بھی کیا سخا ہے
Wo karam bhi kya karam hai wo ata bhi kya ata hai
Jo gada ko dhoondhti hai wo sakha bhi kya sakha hai
وہ طلب بھی کیا طلب ہے جو قبول بے سبب ہے
جسے عفو خود چھپا لے وہ خطا بھی کیا خطا ہے
Wo talab bhi kya talab hai jo qubool be sabab hai
Jise afw khud chhupa le wo khata bhi kya khata hai
تیرے بولنے سے پہلے جسے رب قبول کر لے
میں فدا تری دعا کے وہ دعا بھی کیا دعا ہے
Tere bolne se pehle jise Rab qubool kar le
Main fida teri dua ke wo dua bhi kya dua hai
جو لٹا کے زندگانی کبھی ہو سکے نہ فانی
ترے عاشقوں کے صدقے وہ بقا بھی کیا بقا ہے
Jo luta ke zindagani kabhi ho sake na fani
Tere ashiqon ke sadqay wo baqa bhi kya baqa hai
وہ قیام نیم شب کا کبھی رات رات بھر کا
جو عبادتوں سے مہکے وہ فضا بھی کیا فضا ہے
Wo qayam neem shab ka kabhi raat raat bhar ka
Jo ibadaton se mahke wo fiza bhi kya fiza hai
دمِ واپسیں بھی آقا مجھے اذن ہو ثنا کا
چلے یوں جو نعت پڑھتا وہ گدا بھی کیا گدا ہے
Dam-e-wapsi bhi aaqa mujhe izn ho sana ka
Chalay yun jo naat pardhta wo gada bhi kya gada hai
مری آخری گھڑی ہو مرے لب پہ یا نبی ہو
ہو ظفر پہ یوں جو آقا وہ عطا بھی کیا عطا ہے
Meri aakhri ghari ho mere lab pe ya Nabi ho
Ho Zafar pe yun jo aaqa wo ata bhi kya ata hai
Share This Naat
Share with friends and family
وہ کرم بھی کیا کرم ہے وہ عطا بھی کیا عطا ہے
محمد ظفراقبال نوری