نامِ نامی بھی صدا ہو جیسے
سب زمانوں نے سنا ہو جیسے
Naam-e-Naami bhi sada ho jaise
Sab zamanon ne suna ho jaise
عینِ مدحت ہے محمدؐ کہنا
نام ایسا کہ ثنا ہو جیسے
Ain-e-madhat hai Muhammad ﷺ kehna
Naam aisa ke sana ho jaise
مغفرت اُنؐ کی شفاعت کا ہے نام
خُلد بھی اُن کی عطا ہو جیسے
Maghfirat un ﷺ ki shafaat ka hai naam
Khuld bhi un ki ataa ho jaise
اُنؐ کی توصیف کی حد ہے نہ حساب
کہہ کے بھی کچھ نہ کہا ہو جیسے
Un ﷺ ki tauseef ki hadd hai na hisaab
Keh ke bhi kuch na kaha ho jaise
کتنا پُر کیف ہے طیبہ کا سفر
راہ خود راہ نما ہو جیسے
Kitna pur kaif hai tayyba ka safar
Raah khud raah numa ho jaise
اِس طرح یادِ مدینہ آئی
پھر مجھے یاد کیا ہو جیسے
Is tarah yaad-e-Madina aayi
Phir mujhe yaad kiya ho jaise
اب وہؐ مجھ میں ہی مکیں ہیں گویا
دشتِ جاں کُنجِ حِرا ہو جیسے
Ab wo ﷺ mujh mein hi makiin hain goya
Dasht-e-jaan kunj-e-Hira ho jaise
اب تو ہر سانس پہ ہوتا ہے گماں
اُنؐ کے دامن کی ہوا ہو جیسے
Ab to har saans pe hota hai gumaan
Un ﷺ ke daaman ki hawa ho jaise
اللہ اللہ یہ فیضانِ جمال
قلب زیرِ کفِ پا ہو جیسے
Allah Allah ye faizaan-e-jamaal
Qalb zer-e-kaf-e-paa ho jaise
دِل کچھ اس ڈھنگ سے دھڑکا ہے ابھی
آپؐ کا نام لیا ہو جیسے
Dil kuch is dhang se dhadka hai abhi
Aap ﷺ ka naam liya ho jaise
اپنے ہر جرم پہ محسوس ہُوا
آپؐ نے دیکھ لیا ہو جیسے
Apne har jurm pe mehsoos hua
Aap ﷺ ne dekh liya ho jaise
Share This Naat
Share with friends and family
نامِ نامی بھی صدا ہو جیسے
حنیف اسعدی