آباد خدا رکھے ساقی ترا مے خانہ
ہر اک کو پلاتے ہو اپنا ہو کہ بیگانہ
Abad Khuda rakkhe saqi tera maikhana
Har aik ko pilate ho apna ho ke begana
جس دن سے ملا مجھ کو ساقی ترا میخانہ
رہتا ہی نہیں خالی میرا کبھی پیمانہ
Jis din se mila mujh ko saqi tera maikhana
Rehta hi nahi khali mera kabhi paimana
خاطر میں نہیں لاتے شاہوں کو ترے منگتے
آقا ترے منگتوں کے کیا ٹھاٹھ ہیں شاہانہ
Khatir mein nahi late shahon ko tere mangte
Aqa tere mangton ke kya tahay hain shahna
جانے ہی نہیں دیتے منگتوں کو کسی در پر
لج پال کریموں کے انداز کریمانہ
Jane hi nahi dete mangton ko kisi dar par
Lajpal kareemon ke andaaz kareemana
کیا شان کریمی ہے خالی نہیں لوٹاتے
منگتو مرے آقا کی چوکھٹ پہ ذرا جانا
Kya shan kareemi hai khali nahi lautate
Mangto mere aqa ki chokhat pe zara jana
اس در کی فیاضی کے چرچے ہیں دو عالم میں
سرکار دو عالم کی عادت ہے فیاضانہ
Is dar ki fayazi ke charche hain do aalam mein
Sarkar do aalam ki adat hai fayazana
جس دل میں نہیں چاہت مولا کے فقیروں کی
مولا کی قسم وہ دل بت خانہ ہے بت خانہ
Jis dil mein nahi chahat maula ke faqiron ki
Maula ki qasam woh dil butkhana hai butkhana
جاتا ہے ولی کوئی جس گھر میں وہ گھر جنت
ویرانے سے گزرے تو رہتا نہیں ویرانہ
Jata hai wali koi jis ghar mein woh ghar jannat
Weraane se guzre to rehta nahi werana
مانگا ہے نہ مانگوں گا یاروں سے بجز اس کے
لکھنا مری تربت پہ سرکار کا دیوانہ
Manga hai na mangoonga yaron se bajaz is ke
Likhna meri turbat pe sarkar ka deewana
بھر دیجئے نیازی کا دامان طلب آقا
آیا ہوں ترے در پر میں حال فقیرانہ
Bhar dijiye Niazi ka daman talab aqa
Aaya hoon tere dar par mein haal faqirana
Share This Naat
Share with friends and family
آباد خدا رکھے ساقی ترا مے خانہ
عبدالستار نیازی