سرو گل زارِ ربِ جلیل آپ ہی ہیں
گلِ زیبائے باغِ خلیل آپ ہی ہیں
Sar-o-gulzaar-e-rab-e-jaleel aap hi hain
Gul-e-zeba-e-baag-e-khaleel aap hi hain
حشر تک امتوں کے کفیل آپ ہی ہیں
پیشِ معبود سب کے وکیل آپ ہی ہیں
Hashr tak ummaton ke kafeel aap hi hain
Pesh-e-ma'bood sab ke wakeel aap hi hain
آپ کا لوحِ محفوظ میں ہے تصرف
حکمتِ کبریا میں دخیل آپ ہی ہیں
Aap ka loh-e-mahfooz mein hai tasarruf
Hikmat-e-kibriya mein dakheel aap hi hain
آپ ہی باعثِ خلقتِ دو جہاں ہیں
مظہرِ رب، خدا کی دلیل آپ ہی ہیں
Aap hi ba'ith-e-khalqat-e-do jahan hain
Mazhar-e-rab, khuda ki daleel aap hi hain
ایک وہ حسن تھا مصر میں جو بکا تھا
جس پہ دل بک گئے وہ جمیل آپ ہی ہیں
Ek wo husn tha misr mein jo bika tha
Jis pe dil bik gaye wo jameel aap hi hain
آپ ہی مدعائے کلیمی ہیں آقا
اور ظہورِ دعائے خلیل آپ ہی ہیں
Aap hi mad'aye kaleemi hain aaqa
Aur zahoor-e-dua-e-khaleel aap hi hain
اک نگاہِ کرم کا ہے محتاج نظمی
جود و انعام کی سلسبیل آپ ہی ہیں
Ek nigah-e-karam ka hai mohtaaj Nazmi
Jood o inaam ki salsabeel aap hi hain
Share This Naat
Share with friends and family
سرو گل زارِ ربِ جلیل آپ ہی ہیں
سید آل رسول حسنین میاں برکاتی نظمی