مجھ کو مال و زر نہ گوہر چاہیے
یا خدا حُبِ پیمبر چاہیے
Mujh ko maal o zar na gohar chahiye
Ya khuda hub-e-paimbar chahiye
ہجرِ طیبہ میں تڑپنے کے لیے
چشمِ پرنم، قلبِ مضطر چاہیے
Hijr-e-tayba mai tarapne ke liye
Chashm-e-parnam, qalb-e-muztar chahiye
ایک قطرہ ہی کرم کا ہے بہت
کب کہا میں نے سمندر چاہیے
Ek qatra hi karam ka hai bohat
Kab kaha maine samundar chahiye
سرمۂ چشمِ عقیدت کے لیے
مجھ کو خاکِ کوئے سرور چاہیے
Surma-e-chashm-e-aqeedat ke liye
Mujh ko khaak-e-ko’e sarwar chahiye
آرزو جاگی ہے دیدِ خلد کی
آنکھ کو طیبہ کا منظر چاہیے
Aarzoo jagi hai deed-e-khald ki
Aankh ko tayba ka manzar chahiye
مقصدِ ہستی کو پانے کے لیے
حُبِ احمد خوفِ داور چاہیے
Maqsad-e-hasti ko pane ke liye
Hub-e-Ahmed khauf-e-dawar chahiye
کیجیے نافذ نظامِ مصطفیٰؐ
واقعی گر نظم بہتر چاہیے
Kijiye nafiz nizaam-e-Mustafa ﷺ
Waq’ai gar nazm behtar chahiye
مل غبارِ خاکِ طیبہ جسم پر
نسخۂ کامل شفا گر چاہیے
Mil ghubar-e-khaak-e-tayba jism par
Nuskha-e-kaamil shifa gar chahiye
مل گیا ہے نعت گوئی کا شرف
مجھ کو کیا اب اس سے بڑھ کر چاہیے
Mil gaya hai naat go’i ka sharaf
Mujh ko kya ab is se barh kar chahiye
احسؔنِ عاصی کو آقاؐ حشر میں
آپ کی رحمت کی چادر چاہیے
Ahsan-e-Aasi ko Aqa ﷺ hashar mai
Aap ki rehmat ki chadar chahiye
Share This Naat
Share with friends and family
مجھ کو مال و زر نہ گوہر چاہیے
احسن اعظمی