سب کتابوں میں قرآن سب سے الگ
شاہِ بطحا کا فرمان سب سے الگ
Sab kitabon mein Quran sab se alag
Shah-e-Batha ka farmaan sab se alag
شان والے سبھی انبیاء ہیں مگر
میرے آقا ہیں ذیشان سب سے الگ
Shaan wale sabhi Anbiya hain magar
Mere aaqa hain zeeshan sab se alag
نعت گوئی عبادت سے کچھ کم نہیں
ہے یہ بخشش کا سامان سب سے الگ
Naat goyi ibadat se kuch kam nahi
Hai yeh bakhshish ka samaan sab se alag
کلکِ فطرت کا ہے وہ حسیں شاہ کار
مظہرِ ذاتِ رحمان سب سے الگ
Kulk-e-fitrat ka hai woh haseen shaahkar
Mazhar-e-zaat-e-Rahman sab se alag
عشقِ سرکار دل میں بسا کر تو دیکھ
ہوگی دنیا میں پہچان سب سے الگ
Ishq-e-Sarkar dil mein basa kar to dekh
Hogi duniya mein pehchaan sab se alag
انبیاء اولیا کو ملی معرفتؔ
ہاں مگر ان کا عرفان سب سے الگ
Anbiya Auliya ko mili Marifat
Haan magar in ka irfaan sab se alag
سارا قرآن نازل ہوا وصف میں
میرے آقا کی ہے شان سب سے الگ
Saara Quran naazil hua wasf mein
Mere aaqa ki hai shaan sab se alag
جاں کے دشمن کو بھی جس نے بخشی اماں
فتحِ مکّہ کا اعلان سب سے الگ
Jaan ke dushman ko bhi jis ne bakhshi amaan
Fath-e-Makkah ka ilan sab se alag
نعتِ سرکارِ احمدؔ لکھو تم سدا
ہوگا تیّار دیوانؔ سب سے الگ
Naat-e-Sarkar-e-Ahmad likho tum sada
Hoga tayyar Deewan sab se alag
Share This Naat
Share with friends and family
سب کتابوں میں قرآن سب سے الگ
مولانا طفیل احمد مصباحی