تم ہی ہو چین اور قرار اِس دلِ بے قرار میں
تم ہی تو ایک آس ہو قلبِ گناہ گار میں
Tum hi ho chain aur qarar is dil-e-beqarar mein
Tum hi to aik aas ho qalb-e-gunahgar mein
رُوح نہ کیوں ہو مضطرب موت کے اِنتظار میں
سنتا ہوں مجھ کو دیکھنے آئیں گے وہ مزار میں
Ruh na kyon ho muztarab maut ke intezar mein
Sunta hoon mujh ko dekhne aayein ge woh mazaar mein
خاک ہے ایسی زندگی وہ کہیں اور ہم کہیں
ہے اسی زِیست میں مزا جو ہو دِیارِ یار میں
Khaak hai aisi zindagi woh kahin aur hum kahin
Hai isi zeest mein maza jo ho diyar-e-yar mein
بارشِ فیض سے ہوئی کشتِ عمل ہری بھری
خشک زمیں کے دن پھرے جان پڑی بہار میں
Barish-e-faiz se hui kisht-e-amal hari bhari
Khshk zameen ke din phire jaan pari bahar mein
دل میں جو آکے تم رہو سینے میں تم اگر بسو
پھر ہو وہی چہل پہل اُجڑے ہوئے دِیار میں
Dil mein jo aake tum raho seenay mein tum agar baso
Phir ho wohi chehal pehal ujre hue diyar mein
اُن کے جو ہم غلام تھے خلق کے پیشوا رہے
اُن سے پھرے جہاں پھرا آئی کمی وقار میں
Un ke jo hum ghulam the khalq ke peshwa rahe
Un se phire jahan phira aayi kami waqar mein
قبر کی سونی رات ہے کوئی نہ آس پاس ہے
اِک تیرے دم کی آس ہے قلبِ سیاہ کار میں
Qabar ki sooni raat hai koi na aas paas hai
Ik tere dam ki aas hai qalb-e-siyah kar mein
فیض نے تیرے یا نبی کردیا مجھ کو کیا سے کیا
ورنہ دَھرا ہوا تھا کیا مٹھی بھر اِس غبار میں
Faiz ne tere ya nabi kar diya mujh ko kya se kya
Warna dhara hua tha kya muthi bhar is gubar mein
جس کی نہ لے کوئی خبر بند ہوں جس پہ سارے دَر
اُس کا تو ہی ہے چارہ گر آئے ترے جوار میں
Jis ki na le koi khabar band hon jis pe saare dar
Us ka to hi hai charah gar aaye tere jawar mein
چار رُسل فرشتے چار ، چار کتب ہیں دین چار
سلسلے دونوں چار چار لطف عجب ہے چار میں
Chaar rusul farishte chaar, chaar kutub hain deen chaar
Silisle donon chaar chaar lutf ajab hai chaar mein
آتش و آب و خاک باد اِن ہی سے سب کاہے ثبات
چار کا سارا ماجرا ختم ہے چار یار میں
Atish o aab o khaak baad in hi se sab kahae sabat
Chaar ka saara maajra khatam hai chaar yaar mein
سر تو سوئے حرم جھکا دِل سوئے ُکوئے مصطفیٰ
دل کا خدا بھلا کرے یہ نہیں اختیار میں
Sar to soye haram jhuka dil soye kooye Mustafa
Dil ka Khuda bhala kare yeh nahin ikhtiyar mein
اس پہ گواہ ھُوَ الَّذِیْ شیشۂ حق نما نبی
دیکھ لو جلوۂ نبی شیشۂ چار یار میں
Is pe gawah Huwa-allazi sheesha-e-haq numa nabi
Dekh lo jalwa-e-nabi sheesha-e-chaar yaar mein
سالکِؔ رُوسیہ کا منہ دعویِٰ عشقِ مصطفیٰ
پائے جو خدمتِ بلال آئے کسی شمار میں
Saliq rusiyah ka munh dawah-e-ishq-e-Mustafa
Paaye jo khidmat-e-Bilal aaye kisi shumaar mein
Share This Naat
Share with friends and family
تم ہی ہو چین اور قرار اِس دلِ بے قرار میں
مفتی احمد یار نعیمی