میں خود یہاں ہوں دِل ہے اُسی انجمن کے ساتھ
یہ حال ہے کہ رُوح نہ ہو جیسے تن کے ساتھ
Main khud yahan hoon dil hai usi anjuman ke sath
Ye haal hai ke ruh na ho jaise tan ke sath
محسُوس ہو رہا ہے کہ ہر سمت نُورِ ذات
جلوہ فگن ہے اب بھی اُسی بانکپن کے ساتھ
Mehsoos ho raha hai ke har simt noor-e-zat
Jalwa fagan hai ab bhi usi bankapan ke sath
ہر لحظہ اب بھی جیسے طوافِ حرم میں ہوں
بالکل اُسی طرح سے اُسی پیرہن کے ساتھ
Har lahza ab bhi jaise tawaf-e-haram mein hoon
Bilkul usi tarah se usi peirahan ke sath
میری اُسی طرح سے پذیرائیاں ہوئیں
پہنچا تھا اُس دیار میں میں جس لگن کے ساتھ
Meri usi tarah se pazeeraiyan hueen
Pohcha tha us diyar mein main jis lagan ke sath
اب کِس زباں سے شکوۂ دَورِ خزاں کروں
میں خود ہی چھوڑ آیا بہاریں چمن کے ساتھ
Ab kis zuban se shikawa-e-daur-e-khizan karoon
Main khud hi chhod aya baharen chaman ke sath
Share This Naat
Share with friends and family
میں خود یہاں ہوں دِل ہے اُسی انجمن کے ساتھ
حنیف اسعدی