توقّعات سے بڑھ کر تو ہر طلب سے زیادہ
کرم نبیؐ کا ہے انسانیت پہ سب سے زیادہ
Tawakkuaat se barh kar to har talab se zyada
Karam Nabi (SAW) ka hai insaniyat pe sab se zyada
عظیم رأفت و رحمت میں ہیں وہ سب سے زیادہ
کوئی کریم نہیں سیِّدُ العربؐ سے زیادہ
Azeem raufat o rehmat mein hain woh sab se zyada
Koi Kareem nahi Syed-ul-Arab (SAW) se zyada
شفیعِؐ روزِ قیامت کا بھی جواب نہیں ہے
گناہگار کو مِلتی ہے بھیک سب سے زیادہ
Shafi' Roz-e-Qayamat ka bhi jawab nahi hai
Gunahgar ko milti hai bheek sab se zyada
وہ راہِ منزلِ طیبہ، وہ رات دن کی مسافت
تَعَب میں لُطف مِلا ہے مجھے، طرب سے زیادہ
Woh raah-e-manzil-e-Tayyibah, woh raat din ki masafat
Ta'ab mein lutf mila hai mujhe, tarab se zyada
وجودِ عالمِ اسباب کا سبب ہے، مُسبِّب
کہ اختیار مسبِّب میں ہے سبب سے زیادہ
Wujood-e-aalam-e-asbab ka sabab hai, musabbib
Ke ikhtiyar musabbib mein hai sabab se zyada
خدا گواہ! دو عالَم میں بعدِ ذاتِ الٰہی
ادب نہیں ہے کوئی آپؐ کے ادب سے زیادہ
Khuda gawah! do aalam mein baad-e-zaat-e-Ilahi
Adab nahi hai koi aap (SAW) ke adab se zyada
نبیؐ کے حکم کی تعلیم جان و دل سے کرو تم
ہے ارتفاع یہی رفعتِ نَسَب سے زیادہ
Nabi (SAW) ke hukum ki taleem jaan o dil se karo tum
Hai irtifaa yahi ruf'at-e-nasab se zyada
جدائی قُرب کے بعد اور پھر طویل تر اِتنی
کوئی سبب نہیں غم کا اِس اک سبب سے زیادہ
Judai qurb ke baad aur phir taweel tar itni
Koi sabab nahi gham ka is ek sabab se zyada
نصیرؔ! شکر ادا کر سکوں، مجال یہ کب ہے
دِیا حضورؐ نے مجھ کو مِری لب سے زیادہ
Naseer! shukr ada kar sakoon, majal yeh kab hai
Diya Huzoor (SAW) ne mujh ko meri lab se zyada
Share This Naat
Share with friends and family
توقّعات سے بڑھ کر تو ہر طلب سے زیادہ
سید نصیرالدیں نصیر