naat
مُحمد دی مرضی ہے مرضی خدا دی خُدا نوں اے سب نالوں پیارا مُحمد
مُحمد دی مرضی ہے مرضی خدا دی خُدا نوں اے سب نالوں پیارا مُحمد
پہن تاج لَولَاک دا سر تے چلیا ہے عرشاں نوں عرشاں دا تارا مُحمد
Muhammad di marzi hai marzi khuda di khuda noo ae sab naloo pyara Muhammad
Pehn taj laolak da sar te chaliya hai arshaan noo arshaan da tara Muhammad
دو عالم چہ ورھدی اے رحمت خُدا دی تے کردے نے فلکاں تے قُدسی منادی
اَے افلاکیو دید سوہنے دی کر لئو کرن چلے حق دا نظارہ مُحمد
Dou alam che verhdi ae rehmat khuda di te karde ne falakan te qudusi manadi
Ae aflakiou deed sohne di kar leou karan chale haq da nazara Muhammad
جدوں حق نوں لطف وصال آرہیا سی تے سوہنے نوں اُمت دا خیال آرہیا سی
ناں کیتا کسے نے ناں کرنا کسے نے جیویں کیتا اُمت دا چارا مُحمد
Jado haq noo lutf wisal aaria si te sohne noo ummat da khayal aaria si
Naan kita kise ne naan karna kise ne jeewan kita ummat da chara Muhammad
کہا حق نے محبوب سب غم بھلاؤ ، تے محشر دا مختارنامہ لے جاؤ
میں اوسے نوں جنت عطا کردا جا ساں کرو گے جیہدے ول اشارا مُحمد
Kaha haq ne mehbob sab gham bhulao, te mehshar da mukhtar nama le jao
Main use noo jannat ata karda ja saan karo ge jehide wal ishara Muhammad
ہے جاون دا قصہ تے سب نے سنایا جیویں پینڈا عرشاں دا ہیسی مکایا
ناں پر راز کھلا ہے اَج تک کسے تے کیویں آیا عربی دُلارا مُحمد
Hai javan da qissa te sab ne sunaya jeewan painda arshaan da heesi makaya
Naan par raz khula hai aj tak kise te kiween aya arabi dulara Muhammad
کروا یہ دُعا زُلف کالی دے صدقے تے والفجر صورت نرالی دے صدقے
تے روضے مقدس دی جالی دے صدقے بنن ساڈا صائم سہارا مُحمد
Karwa yeh dua zulaf kali de sadqe te wal fajr surat narali de sadqe
Te rozae muqaddas di jali de sadqe bann sada saaim sahara Muhammad
Share This Naat
Share with friends and family
مُحمد دی مرضی ہے مرضی خدا دی خُدا نوں اے سب نالوں پیارا مُحمد
علامہ صائم چشتی