چھوڑ امیّد و بیم کی باتیں
چھیڑ درِّ یتیم کی باتیں
Chor ummed o beem ki baatein
ChheR dar-e-yateem ki baatein
دل و جاں کو سکون دیتی ہیں
اس رؤف و رحیم کی باتیں
Dil o jaan ko sukoon deti hain
Is ra'oof o raheem ki baatein
رکھتی ہیں جسم و روح کو سرشار
ان کی طبعِ کریم کی باتیں
Rakhti hain jism o rooh ko sarshar
Un ki tabe'-e-kareem ki baatein
سارے عالم کو کر گئیں قائل
اک رسولِ حکیمؐ کی باتیں
Saare aalam ko kar gayin qail
Ek Rasool-e-Hakeemؐ ki baatein
پھونک دیتی ہیں دل میں روحِ عمل
ان کے عزم صمیم کی باتیں
Phoonk deti hain dil mein rooh-e-amal
Un ke azm-e-sameem ki baatein
مصحفِ پاک میں ہوئیں مرقوم
ان کے خُلقِ عظیم کی باتیں
Mushaf-e-paak mein hoiin marqoom
Un ke khulk-e-azeem ki baatein
جگمگاتی ہیں جانِ تیرہ کو
ان کی نوریں گلیم کی باتیں
Jagmagati hain jaan-e-teerah ko
Un ki noorain galeem ki baatein
زیست میں کتنے رنگ بھرتی ہیں
عکسِ نورِ قدیم کی باتیں
Zeest mein kitne rang bharti hain
Aks-e-noor-e-qadeem ki baatein
ایک رفعت سے مجھ کو ملتی ہے
جب کروں اس حریم کی باتیں
Ek ruf'at se mujh ko milti hai
Jab karoon us hareem ki baatein
شہرِ محبوبؐ میں جو چلتی ہے
یاد ہیں اس نسیم کی باتیں
Shehr-e-mehboobؐ mein jo chalti hai
Yaad hain us naseem ki baatein
بھول جاتے ہیں درد و غم تائب
سن کے لطفِ عمیم کی باتیں
Bhool jaate hain dard o gham taib
Sun ke lutf-e-ameem ki baatein
Share This Naat
Share with friends and family
چھوڑ امیّد و بیم کی باتیں
حفیظ تائب